09:35, 21 - قىركۇيەك 2023 | GMT +5
ىزدەۋدە جۇرگەن كۇدىكتى تۇركيادا ۇستالىپ، قازاقستانعا جەتكىزىلدى
باس پروكۋراتۋرا ىشكى ىستەر مينيسترلىگىمەن بىرلەسىپ، سىرتقى ىستەر مينيسترلىگىنىڭ كومەگىمەن تۇركيا رەسپۋبليكاسىنان قىلمىستىق جاۋاپكەرشىلىككە تارتۋ ءۇشىن قازاقستان ازاماتىن ەكستراديتسيالادى، دەپ حابارلايدى قازاقپارات.
ول قۇرىلىس كومپانيالارىنا تيەسىلى 1 ميلليارد تەڭگەگە جۋىق، سونىڭ ىشىندە اۋرۋحانا سالۋعا ارنالعان قاراجاتتى ۇرلادى دەگەن كۇدىككە ىلىنگەن.
كۇدىكتى 2014 -جىلدان بەرى حالىقارالىق ىزدەۋدە بولعان.
قازىرگى كەزدە ول استاناداعى تەرگەۋ يزولياتورىنا قامالدى.
"اتالعان قىلمىستىق قۇقىق بۇزۋشىلىق ءۇشىن مۇلىكتى تاركىلەي وتىرىپ، 5 جىلدان 10 جىلعا دەيىن باس بوستاندىعىنان ايىرۋ جازاسى قاراستىرىلعان"، - دەدى باس پروكۋراتۋرانىڭ رەسمي وكىلى دارحان دۇيسەمباي.
