ءتورت جامبىلدىق سۋبسيدياعا بولىنگەن 900 ميلليون تەڭگەنى جىمقىرعان

جامبىل وبلىسى پروكۋراتۋراسىنىڭ ۇيلەستىرۋىمەن وبلىستىق ەكونوميكالىق تەرگەپ- تەكسەرۋ دەپارتامەنتى تاڭقۋرايدىڭ ەليتالىق سورتىن وتىرعىزۋدى سۋبسيديالاۋعا بولىنگەن بيۋدجەت قاراجاتىن جىمقىرۋدىڭ قىلمىستىق سحەماسىن انىقتادى، دەپ حابارلايدى قازاقپارات.

ناتيجەسىندە شارۋا قوجالىقتاردىڭ جەر تەلىمدەرىندە تاڭقۋراي وتىرعىزىلماعانى، كوشەتتەر مۇلدەم ساتىپ الىنباعاندىعى بەلگىلى بولدى.

"وزدەرىنىڭ قىلمىستىق ارەكەتتەرىمەن 4 ادامنان تۇراتىن توپ 2 جىل ىشىندە مەملەكەتكە 900 ميلليون تەڭگەدەن استام شىعىن كەلتىرگەن.

بيىلعى 7 -ساۋىردە وسى فاكتى بويىنشا قىلمىستىق كودەكستىڭ 190-بابىنىڭ 4-بولىگىنىڭ 2-تارماعى، 216-بابىنىڭ 3-بولىگى جانە 218-بابىنىڭ 2-بولىگىنىڭ 2-تارماعىمەن سوتقا دەيىنگى تەرگەپ- تەكسەرۋ باستالدى.

تەرگەۋ بارىسىندا بارلىق كۇدىكتىلەر قاماۋعا الىنىپ، ولاردىڭ جالپى قۇنى 1,9 ميلليارد تەڭگە قۇرايتىن مۇلكىنە تىيىم سالىندى.

ال 12- قىركۇيەك كۇنى قىلمىستىق ءىس ايىپتاۋ اكتىسىمەن اياقتالىپ، نەگىزىنەن قاراۋ ءۇشىن سوتقا جولداندى"، - دەپ جازدى پروكۋراتۋرادان.