تۇركىستان وبلىسىندا جولعا شىققان سيىر 4 كولىكتىڭ سوقتىعىسۋىنا سەبەپ بولدى
تۇركىستان وبلىسىندا جولعا شىعىپ كەتكەن سيىردىڭ كەسىرىنەن ءتورت كولىك ءبۇلىندى، دەپ حابارلايدى قازاقپارات ءتىلشىسى.
وقيعا «شىمكەنت- سامارا» تاسجولى بويىندا بولدى. «Toyota Estima» ماركالى 7 ورىندىق كولىك جولعا شىعىپ كەتكەن سيىرعا سوعىلعان. وقيعادان زارداپ شەككەن جولاۋشىلارعا كومەك كورسەتۋ ءۇشىن جول جيەگىنە «اۋدي» توقتاعان. كەيىن «اۋديدى» ارتىنان ەكى كولىك - «Hyundaі Santa fe» جانە «Xonda Elysion» كەلىپ سوققان.
«جول-كولىك وقيعاسى سالدارىنان تەك اۆتوكولىكتەرگە ماتەريالدىق شىعىن كەلدى. ادامدار قازاسى جوق. جۇرگىزۋشىلەر مەن جولاۋشىلارعا جەرگىلىكتى جەردە مەديتسينالىق كومەك كورسەتىلىپ، ۇيلەرىنە جىبەرىلدى. قازىرگى تاڭدا جاۋاپكەرشىلىككە تارتۋ ءۇشىن مال يەسىن انىقتاۋ جۇمىستارى جۇرگىزىلىپ جاتىر»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
