كوشەدە پوليتسەيلەر توقتاتسا نە ىستەۋ كەرەك؟ ءبىلۋىڭىز كەرەك قاعيدالار

ەگەر ءسىزدى پوليتسيا توقتاتسا، ءوزىڭىزدى قالاي ۇستاۋ كەرەگىن بىلەسىز بە؟ سىزگە قاتەلەسپەۋىڭىز ءۇشىن ەرەجەلەر جيناعىن ۇسىنامىز.

پوليتسەيلەر ءسىزدى قانداي جاعدايدا توقتاتا الادى؟

ءسىز كوشەدە جۇرسەڭىز، جول قوزعالىسىنىڭ قاتىسۋشىسى بولاسىز، سوندىقتان پوليتسيا قىزمەتكەرلەرى ءسىزدى كەز كەلگەن جاعدايدا توقتاتا الادى. ال ەلدە تەرروريستىك قاۋىپتىڭ "قىزىل" دەڭگەيى جاريالانسا، وندا پوليتسەيلەرگە قارسى تۇرۋدىڭ مۇلدە قاجەتى جوق. توقتاپ، نە ءۇشىن توقتاتقانىن سابىرلى جانە سىپايى تۇردە سۇراڭىز. ءوزىڭىزدىڭ قۇقىقبۇزۋشىلىق جاساماعانىڭىزعا سەنىمدى بولساڭىز، ءسىزدى مىندەتتى تۇردە جىبەرەدى.

ءوزىن ءبىرىنشى كىم تانىستىرۋى قاجەت؟

"جەكە باستى كۋالاندىراتىن قۇجاتتار تۋرالى" قازاقستان رەسپۋبليكاسى زاڭىنىڭ 9-بابى "قازاقستان رەسپۋبليكاسىنىڭ اۋماعىندا تۇراقتى تۇراتىن ازاماتىنىڭ جەكە كۋالىگى بولۋعا مىندەتتى". زاڭدا قۇجاتتى ۇنەمى وزىمەن بىرگە الۋ ءجۇرۋ كەرەك دەگەن مىندەت جوق، سونىمەن قاتار ۇيدە قالدىرۋعا تىيىم سالىنباعان، سوندىقتان جەكە باسىن كۋالاندىراتىن قۇجاتتاردى وزىمەن بىرگە الىپ ءجۇرۋدىڭ قاجەتى جوق. ەگەر ءسىز قۇقىقبۇزۋشىلىق جاساماساڭىز، پوليتسيا قىزمەتكەرى ءسىزدى ۇستاپ، بوستاندىعىڭىزدى شەكتەي المايدى. سوندىقتان، الدىمەن ودان قىزمەتتىك كۋالىكتى كورسەتۋىن سۇراپ، سودان كەيىن قۇجاتتاردى نە ءۇشىن كورسەتۋدى سۇرايتىنىن ءبىلىڭىز. ءتارتىپ ساقشىسى قۇجاتتارىڭىزدى كورسەتۋىڭىزدى تالاپ ەتسە، باس تارتۋعا قۇقىعىڭىز بار.

"قۇجاتتار وزىمدە ەمەس" دەپ سىپايى تۇردە جاۋاپ بەرىڭىز، ويتكەنى زاڭ بويىنشا ولاردى وزىڭىزبەن بىرگە الىپ جۇرۋگە مىندەتتى ەمەسسىز.

پوليتسيا ءسىزدىڭ جەكە زاتتارىڭىزدى تەكسەرۋگە قۇقىلى ما؟

ەگەر ءسىز اكىمشىلىك قۇقىق بۇزۋشىلىق جاساماعان بولساڭىز، تەكسەرە المايدى. قازاقستان رەسپۋبليكاسى جوعارعى سوتىنىڭ 2012 -جىلى 9-ءساۋىر نورماتيۆتىك قاۋلىسىنىڭ 6-تارماعىنا سايكەس "اكىمشىلىك قۇقىق بۇزۋشىلىق تۋرالى زاڭنامانى قامتاماسىز ەتۋ جانە ءوندىرۋ شارالارىن قولدانۋ جانە قولدانۋدىڭ كەيبىر باسقا دا ماسەلەلەرى تۋرالى" سىزدە بار زاتتى اكىمشىلىك قۇقىق بۇزۋشىلىق جاسالعان جاعدايدا عانا تەكسەرە الادى. ال تەكسەرۋ ماقساتى اكىمشىلىك قۇقىق بۇزۋشىلىق جاساۋ قۇرالىن نەمەسە زاتتى تابۋ.

پوليتسيا قىزمەتكەرى ءسىزدى قانداي جاعدايدا تۇتقىنداي الادى؟

پوليتسەيلەر ءسىزدى كۇقىقبۇزۋشىلىق جاساعان بولساڭىز عانا تۇتقىنداۋعا قۇقىلى . ق ر زاڭىنىڭ 6-بابى 1-تارماعى 31-تارماقشاسىنا سايكەس "قازاقستان رەسپۋبليكاسىنىڭ ىشكى ىستەر ورگاندارى تۋرالى" پوليتسەيلەر قىلمىستىق نەمەسە اكىمشىلىك قۇقىق بۇزۋشىلىق جاساعان ادامداردى عانا ۇستاۋعا قۇقىلى. ق ر كونستيتۋتسياسىنىڭ 16-بابىنا سايكەس اركىمنىڭ جەكە باس بوستاندىعىنا قۇقىعى بار. ءسىزدى قاماۋعا الىپ، ۇستاۋعا زاڭدا كوزدەلگەن جاعدايدا سوتتىڭ سانكتسياسىمەن عانا بولادى. دەگەنمەن ولار ءسىزدى 72 ساعاتتان اسپايتىن مەرزىمگە سانكتسياسىز قاماۋعا الا الادى. اكىمشىلىك قاماۋعا الۋ 30 تاۋلىككە دەيىنگى مەرزىم، ال توتەنشە جاعداي رەجيمىنىڭ تالاپتارىن بۇزعانى ءۇشىن 45 تاۋلىككە دەيىنگى مەرزىم بەلگىلەنەدى.

پوليتسيا قىزمەتكەرى ءسىزدى الكوگول/ەسىرتكى زاتتارىنىڭ اسەرىنەن ماس دەپ ايىپتاسا، نە ىستەۋ كەرەك؟

ەگەر ءسىز ءوزىڭىزدىڭ ماس ەمەس ەكەنىڭىزگە سەنگىمدى بولساڭىز، قارسىلىق كورسەتپەي ساراپتامادان وتكەنىڭىز ءجون. ق ر ۇكىمەتىنىڭ 2003 -جىلعى 4-ماۋسىمداعى №528-قاۋلىسىمەن بەكىتىلگەن ماس كۇيىن كۋالاندىرۋ جانە ونىڭ ناتيجەلەرىن رەسىمدەۋ ءۇشىن جولداۋ ەرەجەلەرى بار. وسى قاعيداعا سايكەس مەديتسينالىق كۋالاندىرۋ مەديتسينالىق مەكەمەدە جازباشا ءوتىنىش بويىنشا جۇرگىزىلەدى. ەگەر پوليتسەي مەديتسينالىق كۋالاندىرۋدى سول جەردە جۇرگىزسە، مەديتسينالىق مەكەمەدە مەديتسينالىق كۋالاندىرۋعا ارنالعان جولداماعا بەلگىلەنگەن ۇلگىدەگى كۋالاندىرۋ اكتىسى قوسا بەرىلۋ كەرەك. اكتىنى پوليتسيا قىزمەتكەرى ەكى كۋاگەردىڭ قاتىسۋىمەن جاسايدى.

كۋاگەرلەر بولماعان جاعدايدا مەديتسينالىق كۋالاندىرۋدى تەك ءسىزدىڭ كەلىسىمىڭىزبەن جۇرگىزۋگە رۇقسات. پوليتسيا قىزمەتكەرى ءسىزدى ءوزى كۋالاندىرا المايتىندىقتان، ءسىز مەديتسينالىق مەكەمەگە ساراپتاماعا باراسىز.

ەگەر ءسىز الكوگول نەمەسە ەسىرتكىدەن ماس بولماساڭىز شىعىنداردى وتەۋدى تالاپ ەتىپ، پوليتسەيدىڭ ارەكەتىنە شاعىمدانۋعا قۇقىقىلىسىز. ءسىز كۋالاندىرۋدان باس تارتىپ، ءوز ۇستانىمىڭىزدى اكىمشىلىك قۇقىق بۇزۋشىلىق تۋرالى حاتتامادا، كۋالاندىرۋ اكتىسىندە نەمەسە اكىمشىلىك قۇقىق بۇزۋشىلىق تۋرالى حاتتاماعا قوسا بەرىلەتىن جەكە تۇسىنىكتەمەدە بايانداۋعا قۇقىعىڭىز بار.

پوليتسەيلەر قانداي جاعدايدا كامەلەتكە تولماعان بالانى ۇستاي الادى؟

ق ر زاڭىنىڭ 36-بابى "قازاقستان رەسپۋبليكاسىنداعى بالا قۇقىقتارى تۋرالى" بويىنشا بالاعا 23.00-دەن 6.00-گە دەيىن اتا-اناسىنىڭ نەمەسە قامقورشىسىنىڭ ەرىپ ءجۇرۋىنسىز ۇيدەن تىس جەردە بولۋعا تىيىم سالىنعان. پوليتسيا قىزمەتكەرلەرى بالانى اتا-اناسى الىپ كەتەتىن بولىمگە اپارا الادى. سودان كەيىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 442-بابىنا سايكەس ۇشتەن 15 ا ە ك-كە دەيىنگى ايىپپۇل تولەنەدى.

پوليتسەيلەر قانداي جاعدايدا ساۋساق ىزدەرىن الا الادى؟

ەگەر ءسىز كۇدىكتى بولساڭىز، ساۋساق ءىزىن الۋعا كەلىسۋگە مىندەتتىسىز. ق ر "ىشكى ىستەر ورگاندارى تۋرالى" زاڭىنىڭ 2-تارماعى 30-تارماقشاسىنا سايكەس ىزدەردى الۋ (داكتيلوسكوپيا) كۇدىكتىلەرگە، ايىپتالۋشىلارعا جانە قىلمىستىق-اتقارۋ جۇيەسى مەكەمەلەرىندە (تۇرمەدە) جازاسىن وتەپ جۇرگەن، سونداي-اق ىشكى ىستەر ورگاندارىنىڭ ارناۋلى مەكەمەلەرىندە ۇستالاتىن ادامدارعا (تەرگەۋ يزولياتورى، ۋاقىتشا ۇستاۋ يزولياتورى، قابىلداعىش) قاتىستى جۇرگىزىلەدى.

پوليتسەيلەردىڭ ۇستىنەن قايدا شاعىمدانۋعا بولادى؟

قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 23-بابى 1-تارماعىنا سايكەس ورگاننىڭ نەمەسە لاۋازىمدى ادامنىڭ ارەتىنە شاعىمدانا الاسىز. پوليتسەي زاڭسىز ارەكەت جاسادى دەپ ويلاساڭىز جوعارى ورگان، پروكۋراتۋراعا نەمەسە سوتقا جۇگىنۋگە بولادى.

پوليتسەيمەن بولعان جاعدايدى كامەرا/ديكتافونعا باسۋعا بولا ما؟

جۇمىس بارىسىندا كەز كەلگەن ءتارتىپ ساقشىنىڭ ارەكەتى مەن اڭگىمەسىن ءتۇسىرىپ نە جازىپ الۋعا بولادى. قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 21-بابىنا سايكەس، ەگەر بۇل مەملەكەتتىك قۇپياعا نەمەسە جەكە ومىرگە جانە بيلىك وكىلدەرىنىڭ جەكە قۇقىقتارىنا قاتىستى بولسا، تۇسىرۋگە جول بەرىلمەيدى.

اقپارات دەرەككوزى: massaget.kz