زاڭسىز كوشى-قوندى ۇيىمداستىرعان رەسەي ازاماتى 118 جىلعا باس بوستاندىعىنان ايىرىلدى

استانا. KAZINFORM - گرەكيا سوتى رەسەي ازاماتى ۆلاديمير كوتەلنيكوۆتى زاڭسىز كوشى-قوندى ۇيىمداستىرۋعا كىنالى دەپ تاۋىپ، 118 جىلعا باس بوستاندىعىنان ايىرۋعا، سونداي-اق 500 مىڭ ەۋرو ايىپپۇل تولەۋگە ۇكىم شىعاردى، دەپ حابارلايدى DW.

بۇل تۋرالى رەسەيلىك ءبىرقاتار ب ا ق شەتەلدەگى وتانداستاردى قولداۋ جونىندەگى ءبىرىڭعاي ۇيلەستىرۋ ورتالىعىنىڭ ۆيتسە-پرەزيدەنتى يۆان مەلنيكوۆتىڭ سوزىنە سىلتەمە جاساپ حابارلادى.

ونىڭ مالىمەتىنشە، 37 جاستاعى چەليابينسك تۋماسى كوتەلنيكوۆ گرەكياعا جۇمىس بابىمەن كوشىپ، جەرورتا تەڭىزى ايماعىندا تۋريستەردى تاسىمالدايتىن ياحتاعا تەڭىزشى بولىپ جۇمىسقا ورنالاسقان. مەلنيكوۆتىڭ ايتۋىنشا، كوتەلنيكوۆتىڭ جۇمىس بەرۋشىسى زاڭسىز ميگرانتتاردى تۋريستەر رەتىندە كەمەگە وتىرعىزىپ، ونى الداعان، سونىمەن قاتار قورقىتىپ، قۇجاتتارىن تارتىپ العان. كوتەلنيكوۆ 2024 -جىلى 11-ماۋسىمدا رودوس ارالىنىڭ ماڭىندا تۇتقىندالدى. ونىڭ ايەلى مەن بالاسى رەسەيدە قالدى.

مەلنيكوۆ مۇنىڭ جالعان سحەما ەكەنىن، ناتيجەسىندە تۇركياعا جۇمىس ىزدەپ كەلگەن رەسەيلىك ازاماتتار «الاياقتاردىڭ تورىنا ءتۇسىپ قالعانىن» ايتادى.

- ولار تۇركيادان گرەكياعا زاڭسىز يمميگرانتتاردى تەڭىز ارقىلى تاسىمالداۋمەن اينالىسادى، كەلگەن سوڭ جاي عانا قاماۋعا الىنادى، - دەدى مەلنيكوۆ.

Mash Telegram ارناسىنا بەرگەن تۇسىنىكتەمەسىندە ول تاعى 36 رەسەيلىك گرەكيانىڭ تۇرمەلەرىندە وسىنداي ايىپپەن وتىرعانىن ايتتى.

شەتەلدەگى وتانداستاردى قولداۋ جونىندەگى ءبىرىڭعاي ۇيلەستىرۋ ورتالىعىنىڭ ۆيتسە- پرەزيدەنتىنىڭ ايتۋىنشا، ول رەسەي سىرتقى ىستەر مينيسترلىگىنە كوتەلنيكوۆتى بوساتۋعا كومەكتەسۋدى سۇراپ ۇندەۋ جولداعان.