ستاندارتتى بەلگىلەردەن باسقا، مۇنداي اۆتوكولىكتىڭ الدىڭعى جانىنداعى ەسىكتەرىندە «ZANGA QYZMET ETEMIZ» دەگەن جازۋى بار پاترۋلدىك پوليتسيانىڭ ەمبلەماسى سالىنادى.
حالىقتى اقپاراتتاندىرۋ جانە ازاماتتاردىڭ وتىنىشتەرىنە جەدەل دەن قويۋ ءۇشىن اۆتوموبيلدىڭ ارتقى ءبۇيىر قاناتتارىندا كەزەكشى ءبولىمنىڭ نەمەسە ج ب و جانە اۋداندىق پوليتسيا بولىمشەسىنىڭ جەدەل كەزەكشىسىنىڭ تەلەفون نومىرلەرى ورنالاستىرىلادى.
اۆتوپاترۋلدەردىڭ بورتتىق نومىرلەرى، الەمدىك پوليتسيا ستاندارتتارىنا سايكەس ناريادتاردى ءتيىمدى باسقارۋ ءۇشىن ارتقى ەسىكتەردە جانە اۆتوكولىكتىڭ جۇك سالعىشىندا ورنالاسادى.
پوليتسيا دەپارتامەنتتەرىنە پاترۋلدىك پوليتسيا ساپتىق بولىنىستەرىنىڭ بارلىق اۆتوكولىكتەرىن اعىمداعى جىلدىڭ اياعىنا دەيىن بەكىتىلگەن ستاندارتقا سايكەس كەلتىرۋ تاپسىرىلدى.
جاڭا اقپاراتتىق بەلگىلەردى سالۋعا قوسىمشا شىعىندار تالاپ ەتىلمەيدى. وزگەرىستەر اۆتوكولىكتى پايدالانۋعا بۇرىن بولىنگەن قاراجات ەسەبىنەن ەنگىزىلەدى.