يزرايل تەگەرانعا جاساعان سوققىدان يراننىڭ اسكەري شتابىنىڭ باستىعى مەرت بولعانىن مالىمدەدى
استانا. KAZINFORM - يزرايلدىڭ قورعانىس ارمياسى (ساحال) سەيسەنبى كۇنى تەگەرانداعى كوماندالىق ورتالىققا جاساعان سوققىسىنىڭ سالدارىنان يسلام رەسپۋبليكاسىنىڭ جوعارى دارەجەلى اسكەري تۇلعالارىنىڭ ءبىرى - يران قارۋلى كۇشتەرى اسكەري شتابىنىڭ باستىعى الي شادمانيدىڭ ولگەنىن ءمالىم ەتتى، دەپ حابارلايدى شينحۋا.
سوققىنى يزرايل اۆياتسياسى «ناقتى بارلاۋ دەرەكتەرى» مەن «كەنەتتەن سوققى جاساۋ مۇمكىندىگىنە» يە بولعان سوڭ جاساعان، دەلىنگەن ساحال مالىمدەمەسىندە.
ا. شادماني جوعارى دارەجەلى كوماندير جانە ول يران كوشباسشىسى الي حامەنەيگە جاقىن ادامداردىڭ ءبىرى بولعان، يسلام ريەۆوليۋتسياسى ساقشىلار كورپۋسى مەن يران ارمياسىن باسقارعان.
ول يران قارۋلى كۇشتەرىنىڭ قولباسشىسى لاۋازىمىنا وسى سوعىستىڭ باستالۋىنا تۇرتكى بولعان يزرايل سوققىسىنان كەيىن 5 كۇندىك اتىستىڭ باس كەزىندە مەرت بولعان الاا الي راشيدتىڭ ولىمىنەن كەيىن تاعايىندالعان.
ا. شادمانيدىڭ ءولىمى «يراننىڭ جوعارى اسكەري قولباسشىلىعىن جويۋعا باعىتتالعان شارالاردىڭ جالعاسى بولدى جانە ول قولباسشىلىق تىزبەگىن بۇزدى»، - دەپ مالىمدەدى ساحال.