يزرايل سوققىسىنان يسلام ريەۆوليۋتسياسى قامقورشىلار كورپۋسىنىڭ بارلاۋ باسشىسى مەن ورىنباسارى قازا تاپتى
استانا. KAZINFORM - يزرايلدىڭ سوققىسىنان يسلام ريەۆوليۋتسياسى قامقورشىلار كورپۋسىنىڭ بارلاۋ باسشىسى مەن ونىڭ ورىنباسارى كوز جۇمدى.
- يزرايلدىڭ جەكسەنبىدەگى تەگەرانعا شابۋىلى كەزىندە يسلام ريەۆوليۋتسياسى كۇزەتشىلەر كورپۋسىنىڭ بارلاۋ ۇيىمىنىڭ باسشىسى، گەنەرال موحامماد كازەمي، ونىڭ ورىنباسارى جانە تاعى ءبىر گەنەرال قازا تاپتى، - دەپ حابارلايدى يراندىق اقپارات اگەنتتىگى «تاسنيم».
بۇعان دەيىن كازەمي مەن ونىڭ ورىنباسارىنىڭ ءولىمى تۋرالى يزرايل پرەمەر-ءمينيسترى بينيامين نەتانياحۋ Fox News ارناسىنا بەرگەن سۇحباتىندا ايتقان بولاتىن.
بۇقارالىق اقپارات قۇرالدارىنىڭ حابارلاۋىنشا، يزرايل اسكەري كۇشتەرى تەگەرانداعى كسير بارلاۋ ۇيىمىنىڭ عيماراتىنا سوققى بەرگەن.
ەسكە سالايىق، 13 -ماۋسىمعا قاراعان ءتۇنى يزرايل يران اۋماعىنا جاپپاي سوققى جاساعان. وعان جاۋاپ رەتىندە تەگەران جۇزدەن استام دروندى يزرايل باعىتىنا ۇشىرعان. يران ناتانزداعى يادرولىق نىساننىڭ زاقىمدانعانىن راستادى، الايدا رادياتسيانىڭ تارالۋىن جوققا شىعاردى.
ب ۇ ۇ- داعى يران وكىلى يزرايلدىڭ اۋە سوققىلارى سالدارىنان 78 ادامنىڭ قازا تاپقانىن، تاعى 320-دان استام ادامنىڭ جاراقات العانىن مالىمدەدى. قازا تاپقاندار اراسىندا يران قارۋلى كۇشتەرى باس شتابىنىڭ باسشىسى گەنەرال-مايور موحامماد باگەري، يسلام رەۆوليۋتسياسى ساقشىلار كورپۋسىنىڭ قولباسشىسى گەنەرال-مايور حوسەين سالامي جانە حاتام ءال-انبيا شتابىنىڭ قولباسشىسى گەنەرال-مايور گوليامالي راشيد بار. ولاردىڭ جەكەلەگەن اۋە شابۋىلدارى كەزىندە قازا تاپقانىن IRNA مەملەكەتتىك اقپارات اگەنتتىگى راستادى.
سونداي-اق قازا تاپقاندار اراسىندا ەكى كورنەكتى يراندىق يادرولىق عالىم: يسلام ازاد ۋنيۆەرسيتەتىنىڭ پرەزيدەنتى موحامماد-مەحدي تەحرانچي جانە يران اتوم ەنەرگياسى ۇيىمىنىڭ بۇرىنعى باسشىسى فەرەيدۋن ابباسي بار. ولار تەگەراننىڭ تۇرعىن اۋداندارىنا باعىتتالعان سوققىلاردان قازا تاپقانى حابارلاندى.
يراننىڭ مەملەكەتتىك تەلەارناسى شابۋىلدا رۋحاني كوسەم اياتوللا ءالي حامەنەيدىڭ كەڭەسشىسى ءالي ءشامحانيدىڭ دە جارالانعانىن حابارلادى.
سونداي-اق يزرايلدىڭ شابۋىلىنان كەيىن يران ورمۋز بۇعازىن جابۋ مۇمكىندىگىن قاراستىرىپ جاتقانىن يران پارلامەنتىنىڭ ۇلتتىق قاۋىپسىزدىك جانە سىرتقى ساياسات جونىندەگى كوميتەت مۇشەسى ەسمايل كوساري حابارلادى.
يران مەن ا ق ش اراسىنداعى كەلىسسوزدەرگە اراعايىندىق جاساپ جۇرگەن ومان سىرتقى ىستەر ءمينيسترى بادر ءال- بۋسايدي ماسكاتتا جەكسەنبى كۇنى ءوتۋى ءتيىس كەزدەسۋدىڭ وتپەيتىنىن راستادى.
يران پرەزيدەنتى ەممانۋەل ماكرونمەن سويلەسۋ كەزىندە يزرايل شابۋىلدارىن توقتاتپايىنشا ا ق ش- پەن ەشقانداي كەلىسسوز جۇرگىزىلمەيتىنىن مالىمدەدى.
Axios مالىمەتىنشە، يزرايل ا ق ش- تى يرانمەن سوعىسۋعا شاقىرادى.
اۆتور
ەلميرا ورالبايەۆا