ىشكى تۋريزمدى قولداۋ: مەملەكەت كاسىپكەرلەرگە جەتى باعىت بويىنشا وتەماقى مەن سۋبسيديا بەرەدى

استانا. KAZINFORM - قازاقستاندا ىشكى جانە كەلۋ ءتۋريزمىن دامىتۋ ماقساتىندا بيزنەسكە مەملەكەتتىك قولداۋدىڭ جەتى تەتىگى قاراستىرىلعان. بۇل تۋرالى تۋريزم جانە سپورت مينيسترلىگىنىڭ باسپا ءسوز قىزمەتى حابارلادى.

مينيسترلىكتىڭ مالىمەتىنشە، مەملەكەتتىك قولداۋ تۋريستىك ونىمدەردىڭ ساپاسىن ارتتىرۋعا، تۋريستىك ينفراقۇرىلىمدى جاقسارتۋعا جانە كاسىپكەرلەردىڭ شىعىندارىن ازايتۋعا باعىتتالعان.

تاۋ شاڭعىسى كۋرورتتارىنا ارنالعان تەحنيكا مەن جابدىقتارعا سۋبسيديا

اسپالى جولدار، قار تازالاۋ تەحنيكاسى، جاساندى قارمەن قامتاماسىز ەتۋگە ارنالعان قۇرىلعىلار ساتىپ الىنعان جاعدايدا شىعىننىڭ % ى وتەلەدى.

جول بويىنداعى سەرۆيس نىساندارىنا جۇمسالعان شىعىنداردى وتەۋ

موتەلدەر، جانارماي قۇيۋ ستانتسيالارى، قوعامدىق تاماقتانۋ ورىندارى، ءدارىحانالار مەن وزگە دە قىزمەت كورسەتۋ نىساندارى قۇرىلىسىنا كەتكەن شىعىننىڭ  ى مەملەكەت ەسەبىنەن وتەلەدى.

تۋريستىك نىسانداردى سالۋ نەمەسە جاڭعىرتۋ شىعىندارىن سۋبسيديالاۋ

تۋريستەرگە قىزمەت كورسەتۋگە ارنالعان جاڭا نىسانداردىڭ نەمەسە قايتا جاڭعىرتىلاتىن وبەكتىلەردىڭ قۇرىلىسىنا جۇمسالعان شىعىنداردىڭ % 10 ى سۋبسيديالانادى.

تۋريستىك اۆتوبۋستار ساتىپ الۋعا وتەماقى تولەۋ

سىيىمدىلىعى 8 ورىننان اساتىن (جۇرگىزۋشىنى قوسپاعاندا) اۆتوبۋستاردى ساتىپ الۋ شىعىندارىنىڭ % ى وتەلەدى. اۆتوبۋس كەمىندە 5 جىل بويى تۋريستىك ماقساتتا قولدانىلۋى ءتيىس.

كەلۋ ءتۋريزمىن ىنتالاندىرۋعا ارنالعان سۋبسيديا

وتاندىق تۋروپەراتورلار ەلگە شەتەلدىك تۋريستەردى تارتقانى ءۇشىن ءار ادامعا 15000 تەڭگە كولەمىندە سۋبسيديا الادى. ول ءۇشىن تۋريست ەلدە كەمىندە 4 كۇن، 3 ءتۇن ايالداپ، eQonaq جۇيەسىندە تىركەلۋى قاجەت.

بالالارعا ارنالعان ىشكى اۋە بيلەتتەرىن سۋبسيديالاۋ

ىشكى ءتۋريزمدى دامىتۋ اياسىندا 18 جاسقا دەيىنگى بالالار ەل ىشىندە تەگىن اۋە قاتىناسىن پايدالانا الادى. بۇل ءۇشىن اتا- اناسى تۋروپەراتوردان ىشكى تۋر ساتىپ الۋى ءتيىس. تۋرپاكەت قۇرامىنداعى بالالاردىڭ اۋە بيلەتتەرى 0 سۋبسيديالانادى.

سانيتارلىق- گيگيەنالىق توراپتاردى ۇستاۋعا ارنالعان سۋبسيديا

تۋريستىك ايماقتار مەن اۆتوموبيل جولدارىنىڭ بويىندا ورنالاسقان سانيتارلىق- گيگيەنالىق توراپتاردى كۇتىپ- ۇستاۋعا اي سايىن 83300 تەڭگە كولەمىندە وتەماقى قاراستىرىلعان.

مينيسترلىك مالىمەتىنشە، بۇل قولداۋ شارالارى ىشكى تۋريستەر اعىنىن ارتتىرۋعا، كاسىپكەرلەرگە تۋريستىك ونىمدەردى دامىتۋعا جانە كورسەتىلەتىن قىزمەتتەردىڭ ساپاسىن كوتەرۋگە مۇمكىندىك بەرەدى.

ايتا كەتەيىك، سالالىق مينيسترلىك تۋريزم سالاسىنا ارنالعان سيفرلىق ستاتيستيكا جۇيەسىن ەنگىزبەك.