اڭگىمە باسىندا شاۆكات ميرزيەۆ رەسەي پرەزيدەنتىنىڭ نوۆگورود وبلىسىنداعى رەزيدەنسياسىنا جاسالعان شابۋىلدى قاتاڭ ايىپتايتىنىن مالىمدەدى.
- مۇنداي ارەكەتتەر تۇراقتىلىق پەن قاۋىپسىزدىككە قاتەر ءتوندىرىپ، ۇزاق مەرزىمدى بەيبىتشىلىك ورناتۋ نيەتىنە سەلكەۋ تۇسىرەدى، - دەلىنگەن وزبەكستان پرەزيدەنتىنىڭ باسپا ءسوز قىزمەتى تارتقان حابارلامادا.
سونداي-اق، تاراپتار اڭگىمە بارىسىندا حالىقارالىق جانە وڭىرلىك ماڭىزدى ماسەلەلەر بويىنشا پىكىر الماسىپ، كەلەر جىلعا جوسپارلانعان ءىس- شارالار كەستەسىن تالقىلادى.
ەسكە سالايىق، بۇعان دەيىن رەسەيدىڭ سىرتقى ىستەر ءمينيسترى سەرگەي لاۆروۆ ۋكراينا تاراپى ۆلاديمير پۋتيننىڭ ۆالدايداعى رەزيدەنسياسىنا درونمەن شابۋىل جاساعانىن مالىمدەپ ەدى.
- 28 -جەلتوقساننان 29 -جەلتوقسانعا قاراعان ءتۇنى كيەۆ رەجيمى 91 درون قولدانا وتىرىپ، رەسەي پرەزيدەنتىنىڭ نوۆگورود وبلىسىنداعى مەملەكەتتىك رەزيدەنسياسىنا تەرروريستىك شابۋىل جاسادى، - دەدى مينيستر.
ونىڭ ايتۋىنشا، وسى جاعدايدان كەيىن رەسەي كەلىسسوز پروتسەسى بويىنشا ءوز ۇستانىمىن قايتا قاراۋعا مۇددەلى.
اۆتور
ءاليحان اسقار