وڭتۇستىك كورەيا پرەزيدەنتى پحەنيانمەن قارىم-قاتىناستى قالپىنا كەلتىرۋگە نيەتتى
استانا. KAZINFORM - وڭتۇستىك كورەيا پرەزيدەنتى لي چجە مەن پحەنيانمەن بۇزىلعان قارىم-قاتىناستى قالپىنا كەلتىرۋ قاجەتتىگىن تاعى دا كوتەردى، دەپ جازدى انادولى.
Yonhap اگەنتتىگىنىڭ حابارلاۋىنشا، لي پرەزيدەنتتىك قىزمەتىنە كىرىسكەننەن كەيىن العاش رەت ۇلتتىق قاۋىپسىزدىك كەڭەسىنىڭ وتىرىسىن باسقاردى.
وتىرىس بارىسىندا ول سولتۇستىك كورەيامەن بايلانىستاردى قالپىنا كەلتىرۋ جونىندەگى ءوز ۇندەۋىن قايتالاپ:
- كورەيارالىق بەيبىتشىلىك - بۇل ۇلتتىق قاۋىپسىزدىگىمىزدى قامتاماسىز ەتۋدىڭ ەڭ شىنايى ءارى پراگماتيكالىق جولى، - دەدى.
پرەزيدەنت سونداي-اق جاھاندىق ءتارتىپتىڭ وزگەرۋى، وڭتۇستىك كورەياداعى ساياسي احۋال جانە سولتۇستىك كورەيامەن بايلانىستى فاكتورلار سىندى ماسەلەلەردى كەڭ اۋقىمدا تالقىلاۋ قاجەتتىگىن اتاپ ءوتتى. ونىڭ ايتۋىنشا، بۇل ەلدىڭ ۇلتتىق قاۋىپسىزدىگىنە تونەتىن قاۋىپ-قاتەرلەردىڭ الدىن الۋعا سەپتىگىن تيگىزەدى.
لي چجە مەن قىزمەتىنە كىرىسكەننەن كەيىن كورەي تۇبەگىندە بەيبىتشىلىك پەن قاتار ءومىر ءسۇرۋدى قامتاماسىز ەتۋ ءۇشىن سولتۇستىكپەن ديالوگ ورناتۋعا ۇمتىلاتىنىن ايتتى. ول سولتۇستىك كورەيامەن «تۇراقتى جانە ۇزاق مەرزىمدى قارىم-قاتىناستار» ورناتۋ قاجەتتىگىن ەرەكشە اتاپ ءوتتى.
ەسكە سالا كەتەيىك، بۇعان دەيىن وڭتۇستىك كورەيانىڭ بۇرىنعى پرەزيدەنتى قايتادان قاماۋعا الىنعانىن جازعان ەدىك.