بۇگىن الەۋمەتتىك جەلىدە وسكەمەندىك پوليتسەيلەردىڭ اۆتوبۋسقا جاسىرىن كامەرا قويىپ، جول ەرەجەسىن بۇزعانداردى انىقتاي باستاعانى جايلى ۆيدەو تاراپ كەتتى.
بۇنىڭ اق-قاراسىن قالالىق پوليتسيا باسقارماسىنىڭ باستىعى ورىنباسارىنىڭ مىندەتىن اتقارۋشى، پوليتسيا مايورى ەركىن ساتتىبايەۆتان سۇراپ كوردىك.
- بۇل راس اقپارات. قازىرگى ۋاقىتتا جىلدامدىقتى رۇقسات ەتىلگەن شەكتەن اسىرۋ فاكتىلەرىن انىقتاۋعا ارنالعان ءبىر جىلجىمالى جاسىرىن پاترۋلدىك جۇيە تەستىلىك رەجيمدە اۆتوبۋسقا ورناتىلدى. ول قالالىق مارشرۋتتا قاتىنايتىن قوعامدىق كولىك، - دەپ جاۋاپ بەردى ول.
ەسكە سالساق، وسىعان دەيىن وسكەمەندە پوليتسەيلەر قىزمەتتىك ەمەس كولىكپەن جاسىرىن كامەرا ارقىلى پاترۋلدەپ جاتقانى جايلى جازعانبىز.
اۆتور
تالعاتجان مۇحامەتبەك ۇلى