ورتالىق ازيانىڭ ورگانيكالىق ونىمدەرى قىتاي نارىعىندا جوعارى باعالانادى - ىسكەرلىك كەڭەس

استانا. KAZINFORM - ورتالىق ازيا ەلدەرى قىتاي نارىعىنا ورگانيكالىق اۋىلشارۋاشىلىق ءونىم ەكسپورتىن بەلسەندى ءارى جانجاقتى تۇردە جۇرگىزىپ وتىر.

 بۇل تۋرالى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ەلوردادا «ورتالىق ازيا - قىتاي» ىسكەرلىك كەڭەسىنىڭ ەكىنشى وتىرىسىندا ايتتى.

− ورتالىق ازيا - الەمدە سۋارمالى اۋىل شارۋاشىلىعىن دامىتاتىن نەگىزگى ايماق. بۇگىنگى تاڭدا ءوڭىر ەلدەرى قىتاي نارىعىنا ورگانيكالىق اۋىلشارۋاشىلىق ءونىم ەكسپورتىن بەلسەندى ءارى جان-جاقتى تۇردە جۇرگىزىپ وتىر. قازاقستاننان شۇبات، وزبەكستاننان شيە، تاجىكستاننان كەپتىرىلگەن جەمىستەر، قىرعىزستاننان بال، تۇرىكمەنستاننان ماقتا قىتاي نارىعىندا ءجيى پايدا بولىپ، تۇتىنۋشىلار اراسىندا جوعارى باعالانىپ كەلەدى، − دەدى سەرىك جۇمانعارين ىسكەرلىك كەڭەستىڭ اشىلۋىندا.

ءمينيستردىڭ ايتۋىنشا، ورتالىق ازيا مەن قىتاي اراسىنداعى اۋىل شارۋاشىلىعى ونىمدەرى ساۋداسى جىل سايىن ارتىپ كەلەدى.

− وعان قوسا، ءبىز اۋىل شارۋاشىلىعى ونىمدەرىن ءوندىرۋ جانە قايتا وڭدەۋ بويىنشا بىرلەسكەن كاسىپورىندار قۇرۋعا، اگرارلىق سەكتوردىڭ تيىمدىلىگىن ارتتىرۋ ءۇشىن يننوۆاتسيالىق، سۋ ۇنەمدەيتىن تەحنولوگيالاردى ەنگىزۋگە مۇددەلى قىتايلىق ينۆەستورلارعا قولايلى مۇمكىندىكتەردى كورىپ وتىرمىز، - دەدى سەرىك جۇمانعارين.

2024 -جىلى ورتالىق ازيا ءوڭىرى مەن قىتاي اراسىنداعى ساۋدا قارقىنى 95 ميلليارد ا ق ش دوللارىنا جەتكەن جانە ونىڭ جارتىسىنا جۋىعى قازاقستانعا تيەسىلى بولدى. وسىلايشا، ەكىجاقتى ساۋدا اينالىمى رەكوردتىق 44 ميلليارد دوللارعا جەتكەن.