الەۋمەتتىك جەلىدە سوڭعى قوڭىراۋ سالتاناتتى شاراسىن وتكىزۋگە قاتىستى ەلوردالىق وقۋشىلار تاراتقان جازبا جاريالاندى.
- قۇرمەتتى اتا-انالار! 25-مامىر كۇنى سالتاناتتى جيىن مەكتەپ تاراپىنان ۇيىمداستىرىلادى. ۆالس بيلەۋ، لەنتا تاعۋ الىنىپ تاستالىندى، - دەپ جازىلعان ماتىندە.
وسىلايشا، ەلوردالىق مەكتەپ تۇلەكتەرى سوڭعى قوڭىراۋ سالتاناتىنا شەكتەۋ قويىلا ما دەپ الاڭداۋلى.
ءىستىڭ ءمان-جايىن قالالىق ءبىلىم باسقارماسىنان انىقتادىق.
- ەشقانداي شەكتەۋ كوزدەلمەگەن. بۇل ماسەلەگە قاتىستى اتا-انالارمەن ارنايى جينالىس ۇيىمداستىرىلادى، - دەگەن جاۋاپ الدىق باسقارمانىڭ باسپا ءسوز قىزمەتىنەن.
ەسكە سالا كەتسەك، وتكەن جىلى وقۋ-اعارتۋ ءمينيسترى عاني بەيسەمبايەۆ سوڭعى قوڭىراۋ كەزىندە اتا-انالار مەكتەپتەگى مەرەكەلىك ءىس-شارالارعا شىعىندالىپ، بالالاردى ىسىراپقا ۇيرەتپەۋى كەرەكتىگىن ايتقان ەدى.