استانا. قازاقپارات – پاريجدەگى جازعى وليمپيادا ويىندارىنىڭ كۇمىس جۇلدەگەرى نۇربەك ورالباي تايلاندتا وتەتىن ازيا چەمپيوناتىنا قاتىسپايدى. بوكسشىنىڭ قاتىسپاۋ سەبەبىن ۇلتتىق قۇرامانىڭ باس باپكەرى قايرات ءساتجانوۆ تۇسىندىرە كەتتى.
كەشە سارى قۇرلىقتىڭ باستى دوداسىنا قاتىساتىن قازاقستان ەرلەر قۇراماسىنىڭ ءتىزىمى جاريالانعان بولاتىن. بۇل قۇرامدا نۇربەك ورالباي بولمادى.
«80 كەلىگە دەيىنگى سالماق دارەجەسىندە ازيا چەمپيوناتىندا ەراسىل جاقپەكوۆ باق سىنايدى. بۇل سالماقتاعى ءبىرىنشى ءنومىرلى بوكسشى نۇربەك ورالبايدى جاراقاتىنا بايلانىستى ەكى وقۋ-جاتتىعۋ جيىنىنان بوساتتىق. قازىرگى ۋاقىتتا مۇرنىن ەمدەپ جاتىر»، - دەدى باس باپكەر قايرات ءساتجانوۆ.
ايتا كەتەيىك، بوكستان ازيا چەمپيوناتى 29-قاراشا مەن 11-جەلتوقسان ارالىعىندا تايلاندتىڭ چيانگ مەي قالاسىندا وتەدى.
بۇعان دەيىن ازيا چەمپيوناتىندا كۇش سىنايتىن بوكستان قازاقستان ايەلدەر قۇراماسى بەلگىلى بولعان ەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.