تيتانيكتەگى روۋزدىڭ ءومىرىن ساقتاپ قالعان ەسىك اۋكسيونعا قويىلدى
استانا. KAZINFORM - ايگىلى «تيتانيك» فيلمىنىڭ ءتۇسىرىلىمى كەزىندە روۋز بەن دجەكتىڭ قوشتاسۋ ساحناسىنا تىرەك بولعان ەسىك اۋكسيونعا قويىلدى. بۇل تۋرالى «Daily Mail» حابارلادى.
كورمەنىڭ باستاپقى باعاسى 40 مىڭ دوللار دەپ بەلگىلەنگەنى حابارلاندى. اۋكسيون 20-24-ناۋرىزدا وتەدى. ەسىكتىڭ ۇزىندىعى 243 س م، ەنى 104 س م.
انىقتاما ءۇشىن، «تيتانيك» فيلمى كوپشىلىك نازارىنا ۇسىنىلعاندا، جانكۇيەرلەر فيلمنىڭ اياقتالۋى تۋرالى بىرنەشە رەت داۋلاسىپ، ەگەر ەكى كەيىپكەر دە سول الىپ ەسىكتى پايدالانعاندا دجەك امان قالار ەدى دەپ بولجاعان. ءبىراق فيلمنىڭ رەجيسسەرى دجەيمس كەمەروننىڭ پايىمداۋىنشا، ەسىك دجەك پەن روۋزدىڭ سالماعىن كوتەرە الماي، اقىرى ولاردىڭ ءبىرى سۋعا باتىپ كەتۋگە ءماجبۇر بولعان. سوندىقتان دجەك سۋ تۇبىنە باتىپ كەتەدى، ويتكەنى وقيعا تراگەديامەن اياقتالادى دەپ جوسپارلانعان.
سونداي-اق، اۋكسيوندا كەمە ءرۋلى مەن كەيت ۋينسلەت كيگەن سۋعا ءتۇسۋ كويلەگى ساتىلادى.
اۆتور
جاراسقان نۇرىبايەۆ