رەسەيمەن كەلىسسوزدەر قاي جەردە ءوتۋى مۇمكىن ەكەنى جونىندە ءسوز قوزعاعان ۋكراينا پرەزيدەنتى ۆلاديمير زەلەنسكي كەلىسسوزدەردى قازاقستاندا وتكىزۋگە بولاتىنىن مالىمدەدى.
ۋكراينا باسشىسى Fox News ارناسىنا كولەمدى سۇحبات بەردى. جۇرگىزۋشى زەلەنسكيدەن ونىڭ رەسەي پرەزيدەنتىمەن كەزدەسۋى قانشالىقتى مۇمكىن ەكەنى تۋرالى سۇراعاندا، زەلەنسكي ۆلاديمير پۋتينمەن كەلىسسوز جۇرگىزۋگە دايىن وتىرعانىن راستادى.
بۇل رەتتە ول كەزدەسۋدى ماسكەۋدە وتكىزە المايتىنىن، ءبىراق ءتۇرلى نۇسقالارعا دايىن ەكەنىن اتاپ ءوتتى.
«ءبىز كەزدەسۋدى وتكىزۋ ءۇشىن ءار ءتۇرلى ورىنداردى ۇسىندىق - تۇركيا، ساۋد ارابياسى، قاتار، اۆستريا نەمەسە شۆەيتساريا سياقتى بەيتاراپ ەۋروپا، قالاساڭىزدار، ماسەلەن، قازاقستاندا كەزدەسە الامىز»، - دەدى زەلەنسكي.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан