ۋتيل الىمىنا قارسى پەتيتسيا: باستاماشىلار سەمەيدە كولىك زاۋىتىن كورۋگە كەلمەدى

سەمەي. KAZINFORM - ۋتيل الىمىنا قارسى پەتيتسيانى قارايتىن جۇمىس توبى سەمەيدە ءجۇر. ونەركاسىپ جانە قۇرىلىس مينيسترلىگىنىڭ مالىمەتىنشە، پەتيتسيا باستاماشىلارى زاۋىت ارالاۋعا كەلمەگەن.

ۋتيل الىمىنا قارسى پەتيتسيانى قارايتىن جۇمىس توبى كاسىپورىنداردى ارالاۋ ءۇشىن 20-ماۋسىمدا سەمەيگە كەلدى.

الايدا بۇعان دەيىن كوكشەتاۋ مەن الماتىداعى زاۋىتتاردى ارالاۋعا قارسىلىق جاساعان پەتيتسيا باستاماشىلارى مەن بەلسەندىلەرى جۇمىس توبىنىڭ وتىرىسىنا تاعى دا كەلمەدى. ​

جۇمىس توبىنىڭ قۇرامىندا پارلامەنت دەپۋتاتتارى، ونەركاسىپ جانە قۇرىلىس، ەكولوگيا جانە تابيعي رەسۋرستار، اۋىل شارۋاشىلىعى مينيسترلىكتەرىنىڭ ۆيتسە-مينيسترلەرى، ىشكى ىستەر، مادەنيەت جانە اقپارات، ۇلتتىق ەكونوميكا، سيفرلىق دامۋ، يننوۆاتسيالار جانە ايروعارىش ونەركاسىبى مينيسترلىكتەرىنىڭ، «جاسىل دامۋ» ا ق، «قازاقستاننىڭ اۆتوكولىك وداعى» ز ت ب، «قازاقستاننىڭ ونەركاسىپتىك ينۆەستورلار وداعى» ز ت ب، «قازاقستاننىڭ تاۋەلسىز بيزنەس وداعى» ز ت ب وكىلدەرى، سونىمەن قاتار پەتيتسيا باستاماشىلارى قاتارىنان رەسپۋبليكالىق قايتالاما مەتاللۋرگيا ونەركاسىپشىلەر وداعى، دەربەس اۆتوموبيل وداعى جانە «ادىلدىك ءۇشىن» ق ق وكىلدەرى بار.

توپتىڭ وزگە مۇشەلەرى «ۆەلت لوگيستيك» ج ش س- دە بولدى. كاسىپورىن قالقالانعان، يزوتەرميالىق جانە ونەركاسىپ تاۋارلار فۋرگوندارىن، سونداي-اق رەفريجەراتورلى فۋرگون وندىرەدى.

جىلدىق تاۋار اينالىمى - 1,6 ميلليارد تەڭگەدەن استام، كاسىپورىننىڭ اۋدانى - 4 مىڭ شارشى مەتر.

زاۋىت ايماعىندا دانەكەرلەۋ، سىرلاۋ، قۇراستىرۋ سەحتارى، اعاش وڭدەۋ سەحى، تەنت تىگۋ سەحى جانە قويماسى بار.

2024 -جىلى وندىرىستىك سەحتىڭ قۇرىلىسى باستالدى، ول زاۋىتتى 12 مىڭ شارشى مەترگە كەڭەيتەدى.

«ۆەلت لوگيستيك» ج ش س ونىمدەرىنىڭ نەگىزگى تۇتىنۋشىسى - «سەماز» ج ش س. ءبىز ءوندىرىستى كەڭەيتىپ، 15 گەكتار جەر الدىق. ولار ەكى كاسىپورىن دا جاقىن بولسىن دەپ بىزگە جاقىنداۋ جەر الىپ جاتىر. ءبىز جاڭا اۋدانداردا بىرنەشە مودەلدى شاعىن بلوكتى CKD قۇراستىرۋمەن اينالىسامىز، ونىڭ ءبىرى - گازەل. گازەل مودەلىنە ارنالعان يزوتەرميالىق كابينالار مەن بۇكىل قوندىرمانى ءبىز بارعان «ۆەلت لوگيستيك» ج ش س جاسايدى. كومپانيا ونىمدەرىنىڭ باسىم بولىگى «Qarmet» قازاقستاندىق مەتالدان جاسالعان»، - دەدى «سەماز» ج ش س باس ديرەكتورىنىڭ ورىنباسارى قادىروللا جۇماعۇلوۆ.

پەتيتسيانى ەگجەي-تەگجەيلى قاراۋ ءۇشىن جۇمىس توبىنىڭ مۇشەلەرى زاۋىتتىڭ ءوندىرىس بارىسىمەن تانىستى.

ەسكە سالا كەتەيىك، بۇعان دەيىن جۇمىس توبىنىڭ وتىرىسى ءبىر مارتە وتپەي قالعان ەدى.

اۆتور

جانات قاپالبايەۆا