ا ح ق و باسقارۋشىسى رەنات بەكتۇروۆ مارتەبەلى مەيماندارعا ورتالىق جۇمىسىنىڭ ناتيجەلەرىن تانىستىردى. سونىمەن قاتار قازاقستان مەن ومان اراسىنداعى ينۆەستيتسيالىق-ەكونوميكالىق قاتىناستاردى ودان ءارى جانداندىرۋ ءۇشىن ورتالىق قانداي مۇمكىندىكتەر ۇسىنا الاتىنىنا توقتالدى.
ا ح ق و اشىلعاننان بەرى قازاقستانعا 28 ميلليارد دوللاردان استام ينۆەستيتسيا تارتقان. ورتالىقتا 90 ەلدەن 6600 دەن استام كومپانيا تىركەلگەن.
ەكى ەل باسشىلارىنا اعىلشىن قۇقىعىنا نەگىزدەلگەن قارجى ورتالىعى يۋريسديكتسياسىنداعى ەرەكشەلىكتەر، ا ح ق و-نىڭ قارجى قىزمەتىن رەتتەۋ كوميتەتتەرىنىڭ، ا ح ق و سوتى جانە حالىقارالىق تورەلىك ورتالىعىنىڭ قىزمەتى تۋرالى مالىمەت بەرىلدى.
بۇدان بولەك، ورتالىقتىڭ يسلامدىق قارجىلاندىرۋ سالاسىنداعى مۇمكىندىكتەرى، سونداي-اق تاۋلىك بويى كونسۋلتاتسيالىق قولداۋ كورسەتەتىن AIDA (AIFC Intelligent Digital Assistant) ينتەللەكتۋالدىق اسسيستەنتى جايىندا باياندالدى.
ايتا كەتەيىك، بۇگىن ەلوردادا پرەزيدەنت قاسىم-جومارت توقايەۆتىڭ قازاقستانعا مەملەكەتتىك ساپارمەن كەلگەن ومان سۇلتانى حايسام بەن تاريق ءال سايدتى قارسى الۋ ءراسىمى ءوتتى.
كەيىن پرەزيدەنت قاسىم-جومارت توقايەۆ پەن ومان سۇلتانى حايسام بەن تاريق ءال سايد شاعىن قۇرامدا كەلىسسوز جۇرگىزدى.