اتالعان الاڭدا تۇركيا، ازەربايجان، قازاقستان، قىرعىزستان، وزبەكستان جانە تۇرىكمەنستان ەلدەرىنىڭ ۇلتتىق پاۆيلوندارى ورنالاسقان.
ەكسپوزيتسيالاردا باۋىرلاس حالىقتاردىڭ ىنتىماق-بىرلىگى مەن سان الۋان مادەنيەتى، باي رۋحاني ءداستۇرى كورىنىس تاپقان.
قازاق كيىز ءۇيى ۇلى دالا رۋحى مەن تۇركى دۇنيەسىنىڭ ورتاق تاريحي تامىرىن بەينەلەيدى. پرەزيدەنتتەرگە كيىز ءۇيدىڭ بەزەندىرىلۋىنە ارقاۋ بولعان ەجەلگى تۇركى وركەنيەتى، سونىڭ ىشىندە ساقتار مۇراسى، حالقىمىزدىڭ تابيعاتپەن ۇيلەسىمدى ءومىر سالتى جانە زاماناۋي قازاقستاننىڭ كەلبەتى جايىندا مالىمەت بەرىلدى.
مەملەكەتتەر باسشىلارىنىڭ نازارىنا قازاق حالقىنىڭ ءداستۇرلى ساياتشىلىق ونەرىن پاش ەتەتىن «ساق اڭشىسى» مۇسىندىك كومپوزيتسياسى ۇسىنىلدى.
سونداي-اق مارتەبەلى مەيماندارعا كونە تۇركى جازبا مادەنيەتىنەن مول ماعلۇمات بەرەتىن ورحون ەسكەرتكىشتەرى كورسەتىلدى.
قاسىم-جومارت توقايەۆ ت م ۇ-عا مۇشە ەلدەر باسشىلارىمەن بىرگە تۇركى الەمى اللەياسىنا اعاش ەگۋ راسىمىنە قاتىستى.
ايتا كەتەيىك، توقايەۆ تۇركى مەملەكەتتەرى ۇيىمىنىڭ 13-سامميتىنە قاتىسۋ ءۇشىن «كۋليە» سارايىنا بارعان ەدى.