استانا. KAZINFORM — قازاقستان مەن تاجىكستان پرەزيدەنتتەرى استاناداعى اناتوليي حراپاتىي كوشەسىندە ورنالاسقان تاجىكستان ەلشىلىگىنىڭ جاڭا عيماراتىن سالتاناتتى تۇردە اشتى. بۇل تۋرالى اقوردا ءمالىم ەتتى.
قازاقستان مەن تاجىكستان پرەزيدەنتتەرى استانا قالاسىنداعى اناتوليي حراپاتىي كوشەسىندە ورنالاسقان تاجىكستان ەلشىلىگى جاڭا عيماراتىنىڭ سالتاناتتى اشىلۋ راسىمىنە قاتىستى.
قاسىم-جومارت توقايەۆ پەن ەمومالي راحمون راسىمدىك لەنتانى قيدى. سودان سوڭ پرەزيدەنت وركەسترى ەكى ەلدىڭ مەملەكەتتىك ءانۇراندارىن ورىندادى.
مەملەكەتتەر باسشىلارىنا تاجىكستان ەلشىلىگىنىڭ عيماراتى تۋرالى اقپارات بەرەتىن بەينەروليك كورسەتىلدى. سودان كەيىن ولار ديپلوماتيالىق وكىلدىكتى ارالاپ كوردى.
قازاقستان پرەزيدەنتى قۇرمەتتى قوناقتار كىتابىنا ىزگى تىلەگىن جازدى.
ەكى ەلدىڭ كوشباسشىلارى ەلشىلىك اۋماعىنا اعاش كوشەتىن ەكتى.