كەزدەسۋدە مەملەكەت باسشىسى ەلىمىزدىڭ ۇزاقمەرزىمدى ىنتىماقتاستىققا، قازاقستاندا زاماناۋي تەحنولوگيالاردى ەنگىزۋگە جانە ءوندىرىستى دامىتۋعا بەيىل ءىرى ينۆەستورلارمەن جۇمىس ىستەۋگە قىزىعۋشىلىق تانىتاتىنىن جەتكىزدى.
وسى ورايدا، پرەزيدەنت مەتاللۋرگيا جانە كومىر حيمياسى سالالارىندا تولىق وندىرىستىك تىزبەككە يە Xinfa كومپانياسىمەن ىقپالداستىققا ءازىر ەكەنىن راستادى. قاسىم-جومارت توقايەۆ بۇل ءتاسىل ەلىمىزدى يندۋستريالىق تۇرعىدان دامىتۋ باسىمدىقتارىنا ساي كەلەتىنىن ايتتى.
كەزدەسۋدە الماتى وبلىسىنداعى «كولجات» كەن ورنىن يگەرۋ پەرسپەكتيۆاسى قاراستىرىلدى. بۇل جۇمىس قازاق-قىتاي وندىرىستىك كووپەراتسياسىنىڭ جاڭا كەزەڭگە قادام باسقانىن كورسەتەدى.
پرەزيدەنت كەن ورنىن كەشەندى يگەرۋگە نازار اۋداردى. اتاپ ايتقاندا، مۇندا جارتىلاي كوكس، سۋتەگى، سينتەز-گاز، جوعارى ساپالى مۇناي ونىمدەرىن ءوندىرۋ ارقىلى ينتەگراتسيالانعان ءوندىرىس تىزبەگىن قۇرعان ءجون. اتالعان جوبا ارقىلى 2 مىڭعا جۋىق جۇمىس ورنىن اشۋعا بولادى.
قاسىم-جومارت توقايەۆ پەن چجان گۋيچۋن اسا ماڭىزدى ماتەريالدار سالاسىندا سەرىكتەستىكتى نىعايتۋ ماسەلەسىن تالقىلادى.
چجان گۋيچۋن Xinfa Group كومپانياسىنىڭ ارىپتەستىكتى كەڭەيتۋ جوسپارىن تانىستىرىپ، بىرلەسكەن جوبالارعا قولداۋ كورسەتكەنى ءۇشىن مەملەكەت باسشىسىنا العىس ايتتى.