توقايەۆ قازىحانمەن قازاقستاننىڭ G20 سامميتىنە قاتىسۋعا دايىندىعىن تالقىلادى

استانا. KAZINFORM - مەملەكەت باسشىسى ا ق ش بويىنشا ارنايى وكىل ەرجان قازىحاندى قابىلدادى.

Фото: Акорда

اقوردانىڭ باسپا ءسوز قىزمەتىنىڭ حابارلاۋىنشا، پرەزيدەنت ءوزىنىڭ امەريكا قۇراما شتاتتارىمەن ەكىجاقتى ىنتىماقتاستىقتىڭ وزەكتى ماسەلەلەرى بويىنشا كەلىسسوز پروتسەسىندەگى وكىلى ەرجان قازىحاندى قابىلدادى.

قاسىم-جومارت توقايەۆقا ا ق ش پرەزيدەنتى دونالد ترامپتىڭ شاقىرۋىمەن G20 سامميتىنە قاتىسۋ ءۇشىن ماياميگە جوسپارلانعان الداعى ساپارعا دايىندىق بارىسى باياندالدى.

مەملەكەت باسشىسى قازاقستان-امەريكا كەڭەيتىلگەن ستراتەگيالىق سەرىكتەستىگىن ودان ءارى دامىتۋ جونىندە ناقتى مىندەتتەر جۇكتەدى.

ەسكە سالايىق، بۇعان دەيىن مەملەكەت باسشىسى قاسىم-جومارت توقايەۆ رەسەي جوعارعى سوتىنىڭ ءتوراعاسى يگور كراسنوۆتى قابىلداعانىن جازعانبىز.