باكۋدە ۇيىمداستىرىلعان ازياداعى ءوزارا ءىس-قيمىل جانە سەنىم شارالارى كەڭەسىنىڭ سامميتى اياسىندا قازاقستان پرەزيدەنتى قاسىم-جومارت توقايەۆ قاتار مەملەكەتىنىڭ ءامىرى شەيح ءتاميم بەن حاماد ءال تانيمەن كەزدەسۋ وتكىزدى.
تاراپتار ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى. قازاق-قاتار سان قىرلى سەرىكتەستىگىن نىعايتۋ، سونداي-اق بىرلەسكەن ينۆەستيتسيالىق جانە ەنەرگەتيكالىق جوبالاردى جۇزەگە اسىرۋ پەرسپەكتيۆاسىنا ايرىقشا نازار اۋدارىلدى.
مەملەكەتتەر باسشىلارى حالىقارالىق جانە وڭىرلىك كۇن ءتارتىبى، سونىڭ ىشىندە تاياۋ شىعىستاعى احۋال جونىندە پىكىر الماستى.
وسىعان دەيىن توقايەۆ پەن الييەۆ ترانسكاسپيي تالشىقتى-وپتيكالىق بايلانىس جەلىسىن ىسكە قوسۋ راسىمىنە قاتىسقانىن جازعان ەدىك.
ەسكە سالساق، كەشە مەملەكەت باسشىسى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ 7-سامميتىنە قاتىسۋ ءۇشىن باكۋ قالاسىنا جۇمىس ساپارىمەن باردى.
قاسىم-جومارت توقايەۆ اوسشك VII سامميتىندە ءسوز سويلەدى. قازاقستان پرەزيدەنتى قوناقجايلىق كورسەتكەنى جانە سامميتتى جوعارى دەڭگەيدە ۇيىمداستىرعانى ءۇشىن ازەربايجان پرەزيدەنتى يلحام اليەۆكە العىس ايتتى.