اقوردادا وتكەن كەزدەسۋدە پرەزيدەنت قاسىم-جومارت توقايەۆ NVIDIA باسشىسى ساپارىنىڭ ەكىجاقتى ىنتىماقتاستىقتى نىعايتۋداعى ماڭىزىن اتاپ ءوتىپ، ونىڭ وتاندىق جاساندى ينتەللەكت ەكوجۇيەسىن دامىتۋعا قوسقان ۇلەسىنە ريزاشىلىق ءبىلدىردى.
- NVIDIA كومپانياسىمەن ىقپالداستىققا سونى سەرپىن بەرۋ تۇرعىسىنان ساپارىڭىزدىڭ ءمانى زور. سەرىكتەستىگىمىزدى نىعايتۋ جولىنداعى جانە قازاقستاننىڭ يگىلىگى ءۇشىن اتقارىپ جاتقان ەڭبەگىڭىزگە العىس ايتقىم كەلەدى، - دەدى مەملەكەت باسشىسى.
قاسىم-جومارت توقايەۆ سيفرلاندىرۋ مەن جاساندى ينتەللەكتىنى دامىتۋدى ۇلتتىق باسىمدىق رەتىندە اتادى، سونداي-اق بيىل ەلىمىزدە تسيفرلاندىرۋ جانە جاساندى ينتەللەكت جىلى جاريالانعانىن ەسكە سالدى.
مەملەكەت باسشىسى NVIDIA مەن Higgsfield كومپانيالارى اراسىنداعى ارىپتەستىكتى قۋاتتايدى. ونىڭ ايتۋىنشا، حالقىمىز اتالعان كومپانيانىڭ وتاندىق تەحنولوگيالىق جوبالارعا اتسالىسقانىن قۇپ كورەدى.
ەسكە سالايىق، بۇعان دەيىن پرەزيدەنت رەسپۋبليكا كۇنىنىڭ قارساڭىندا ەل دامۋىنا ۇلەس قوسقان ازاماتتاردى ماراپاتتاعانىن حابارلاعانبىز.