پرەزيدەنت بۇرىنعى جانە قازىرگى لاۋازىمدى تۇلعالاردىڭ مۇنداي تارتىستارعا ارالاسۋى ءبىلىم جۇيەسىنە پايدا اكەلمەيتىنىن ايتىپ، ءسوز تالاستىرۋدان گورى ناقتى ىسكە كوشىپ، بالالاردىڭ بولاشاعىنا باعىتتالعان ۇسىنىستارعا باسىمدىق بەرۋگە شاقىردى.
- ءبىلىم جولى - سىناعى مەن قيىندىعى كوپ جول. وسى جولدا تابىسقا جەتىپ، بەينەتتىڭ زەينەتىن كورۋ ءۇشىن، ەڭ الدىمەن، تاباندى ەڭبەك ەتۋ قاجەت. تۇپتەپ كەلگەندە، ءبارىمىزدىڭ ماقساتىمىز - ءبىر، مۇددەمىز - ورتاق ەكەنىن ەستەن شىعارماعان ابزال، - دەپ اتاپ ءوتتى پرەزيدەنت.
قاسىم-جومارت توقايەۆ الەۋمەتتىك جەلىدە ءبىلىم سالاسىنا قاتىستى قىزۋ پىكىرتالاستار بولاتىنىن ەسكە سالدى. كەيدە مۇنداي داۋ-دامايلارعا ءبىلىم جۇيەسىنىڭ بۇرىنعى جانە قازىرگى لاۋازىمدى تۇلعالارى ارالاسىپ جاتاتىنى كوزگە تۇسەتىن بولدى.
- مۇنداي تارتىستار ءبىلىم سالاسىنا پايداسىن تيگىزەدى دەپ ايتۋ قيىن. وركەنيەتتى پىكىرتالاستاردىڭ ورنىنا ايقاي-شۋ مەن داڭعازانى تىڭداپ وتىرۋعا ءماجبۇرمىز. ءتىپتى ۇستازدار قاۋىمى دا ونداي پىكىرتالاستاردىڭ تۇپكى ءمانىن تۇسىنە الماي دال بولۋدا. ارينە، بالالاردىڭ بولاشاعى ءۇشىن الاڭداپ، ۇتىمدى ۇسىنىستار ءبىلدىرۋ - ءبىر بولەك اڭگىمە. ال جاناشىر بولىپ ەمەس، جاقسى اتتى بولۋ ءۇشىن پىكىر ءبىلدىرۋ - تىپتەن باسقا ماسەلە. ونبەيتىن داۋدى قۋىپ، ءورىسىمىزدى كەڭەيتە المايتىنىمىز انىق. قازىر بوس، بۇرىس ءسوزدىڭ ۋاقىتى ەمەس، ناقتى، دۇرىس ءىستىڭ ءداۋىرى. وسىنى ەسكەرگەن ءجون، - دەدى مەملەكەت باسشىسى.
بۇعان دەيىن قاسىم-جومارت توقايەۆ پرەزيدەنت «ورلەۋ» ورتالىعىن سىنعا الىپ، پەداگوگتەردى اتتەستاتسيالاۋ تالاپتارىن جەڭىلدەتۋدى تاپسىرعان ەدى.
ەلىمىزگە تاعى بەس مىڭنان استام مۇعالىم جەتىسپەيدى.
سونداي-اق پرەزيدەنت ەلىمىزدەگى مەكتەپ قۇرىلىسىن جانداندىرۋدى تاپسىردى.