اڭگىمەلەسۋ بارىسىندا پرەزيدەنتتەر قازاقستان مەن بەلارۋس اراسىنداعى قارىم-قاتىناس جۇيەلى تۇردە دامىپ كەلە جاتقانىن اتاپ ءوتىپ، ىنتىماقتاستىقتىڭ بارلىق باعىتى بويىنشا وڭ ديناميكا بايقالاتىنىن اتاپ ءوتتى.
مەملەكەتتەر باسشىلارى ساۋدا-ەكونوميكالىق جانە مادەني-گۋمانيتارلىق ىقپالداستىقتى ودان ءارى كەڭەيتۋ مۇمكىندىكتەرىن تالقىلادى.
تاراپتار وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماسىپ، الداعى بىرلەسكەن ءىس-شارالاردىڭ كەستەسىن قاراستىردى.
قاسىم-جومارت توقايەۆ الەكساندر لۋكاشەنكونى جوعارى ەۋرازيالىق ەكونوميكالىق كەڭەستىڭ كەزەكتى وتىرىسىنا جانە ەۋرازيالىق ەكونوميكالىق فورۋم جۇمىسىنا قاتىسۋعا شاقىردى. اتالعان جيىندار مامىر ايىنىڭ سوڭىندا استانا قالاسىندا وتەدى.
بۇعان دەيىن حابارلاعانىمىزداي، پرەزيدەنت چەحيا پرەمەر-ءمينيسترىن I دارەجەلى «دوستىق» وردەنىمەن ماراپاتتادى.