استانا. KAZINFORM - پرەزيدەنتتەر كاسپي تەڭىزىنىڭ تابانى ارقىلى قازاقستان مەن ازەربايجاندى جالعاستىراتىن ۇزىندىعى 380 شاقىرىمدىق تالشىقتى-وپتيكالىق بايلانىس جەلىسىن سالتاناتتى تۇردە ىسكە قوستى، دەپ حابارلايدى اقوردانىڭ باسپا ءسوز قىزمەتى.
جوبانى «قازاق تەلەكوم» ا ق مەن AzerTelecom كومپانياسى بىرلەسىپ جۇزەگە اسىردى.
بۇل جەلى قازاقستاندى جانە ورتالىق ازيانىڭ باسقا ەلدەرىن، سونداي-اق قىتايدى ەۋروپامەن جالعايتىن جاڭا بايلانىس باعىتىنىڭ ءبىر بولىگى سانالادى. ول جەرورتا تەڭىزى مەن قارا تەڭىزدە ورنالاسقان بايلانىس جۇيەلەرىنە قوسىلۋى مۇمكىن.
جوبا قازاقستاننىڭ سيفرلىق ەكونوميكاسىن دامىتۋ تۇرعىسىنان ستراتەگيالىق مانگە يە. اتاپ ايتقاندا، توبج ەلىمىزدە قوسىمشا حالىقارالىق بايلانىس جەلىسىن ىسكە قوسىپ، وتاندىق نارىققا جاھاندىق تەحنولوگيالىق كومپانيالاردى تارتۋعا جانە بۇلتتى سەرۆيستەر مەن جاساندى ينتەللەكت ينفراقۇرىلىمىن دامىتۋعا جاعداي جاسايدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.