استانا. KAZINFORM - ىشكى ىستەر ءمينيسترىنىڭ ورىنباسارى يگور لەپەحا تۇركىستان وبلىسىندا شەتەلدىك بلوگەرلەردەن اقشا سۇراۋ وقيعاسى بويىنشا كىنالى پوليتسەيلەر قىزمەتىنەن قۋىلعانىن ايتتى.
بۇگىن پارلامەنت ماجىلىسىندە تىلشىلەر تۇركىستان وبلىسىندا شەتەلدىك كولىك جۇرگىزۋشىلەرىنەن 200 مىڭ تەڭگە سۇراعان پوليتسەيلەر جايىندا سۇراق قويدى.
ءوز كەزەگىندە ي. لەپەحا وسى وقيعا بويىنشا تەكسەرۋ ءجۇرىپ جاتقانىن ايتتى.
- قازىر ءىس قوزعالدى. وسى قىزمەتكەرلەر پوليتسيا قاتارىنان شىعارىلدى، - دەدى ىشكى ىستەر ءمينيسترىنىڭ ورىنباسارى.
بۇدان بۇرىن حابارلانعانداي، تۋريستەردەن 200 مىڭ تەڭگە سۇراعان پوليتسەيلەر جاۋاپقا تارتىلاتىنىن جازعان ەدىك.
وسى وقيعا بويىنشا شەتەلدىك كولىك جۇرگىزۋشىلەرىنەن 200 مىڭ تەڭگە سۇراعان پوليتسەيلەر جايىنداعى ۆيدەو الەۋمەتتىك جەلىدە كەڭىنەن تاراپ كەتتى.
اۆتور
رۋسلان عابباسوۆ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан