سولتۇستىك قازاقستان وبلىستىق ىشكى ساياسات باسقارماسىنىڭ مالىمەتىنشە، بۇگىن امال مەرەكەسىنە وراي دوستىق ۇيىندە ەتنومادەني بىرلەستىكتەردىڭ ۇيىمداستىرۋىمەن كەزدەسۋ وتەدى. جالپى كورىسۋ كۇنى وڭىردەگى بارلىق ءبىلىم وردالارىندا اتاپ ءوتىلىپ، بالالارعا مەيرامنىڭ ءمان-ماعىناسى ايتىلدى.
بۇل كۇندەرى ءتۇرلى كورمەلەر، قايىرىمدىلىق اكتسيالارى، چەللەندجدەر، كەزدەسۋلەر جانە كونسەرتتىك باعدارلامالار وتەدى.
15-ناۋرىز - «قايىرىمدىلىق» كۇنىنە وراي وبلىس اكىمىنىڭ اتىنان اۋىزاشار اسى بەرىلەدى. ۆولونتەرلەر، ءتۇرلى كونفەسسيا وكىلدەرى تۇرمىسى تومەن، زەينەتكەرلەردىڭ وتباسىلارىن ارالاپ، كومەك كورسەتەدى.
16-ناۋرىز - «مادەنيەت جانە ۇلتتىق سالت-ءداستۇر» كۇنىنە وراي ورتالىق الاڭدا اكتەرلەردىڭ قاتىسۋىمەن ارنايى ءىس-شارا وتەدى. كىتاپحانالار، ءبىلىم بەرۋ مەكەمەلەرى، مۋزەيلەر ۇلتتىق سالت-ءداستۇردى ناسيحاتتاپ، كەزدەسۋلەر ۇيىمداستىرماق.
17-ناۋرىز - «شاڭىراق» كۇنىندە س. مۇقانوۆ اتىنداعى قازاق سازدى-دراما تەاترىندا رەسپۋبليكالىق اقىندار ايتىسىن تاماشالاۋعا بولادى.
ورتالىق الاڭدا «سۋپەر-اجە» بايقاۋى وتەدى.
ال ا. ۆينوكۋروۆ سپورت سارايىندا سپورت ساعاتى ۇيىمداستىرىلادى.
18-ناۋرىز - «ۇلتتىق كيىم» كۇنى «دوستىق مول» ساۋدا ۇيىندە ۇلتتىق كيىم مەن اشەكەيلەردىڭ كورمە-جارمەڭكەسى وتپەك.
19-ناۋرىز - «جاڭارۋ» كۇنىنە دە كوپتەگەن مەرەكەلىك ءىس-شارا جوسپارلانعان. كەشكە قالا تۇرعىندارى مەن قوناقتارى اقان سەرى اتىنداعى وبلىستىق فيلارمونيادا قازاق حالىق اسپاپتارى وركەسترىنىڭ «ناۋرىز- كوكتەم» كونسەرتىن تاماشالاي الادى.
20-ناۋرىز - «ۇلتتىق سپورت» كۇنى جامبىل اۋدانى پرەسنوۆكا ەلدى مەكەنىندە دەنە شىنىقتىرۋ- ساۋىقتىرۋ كەشەنى پايدالانۋعا بەرىلمەك. جاڭا نىساندا قازاق كۇرەسىنەن وبلىستىق تۋرنير، اسىق اتۋ، توعىزقۇمالاق جانە ساداق اتۋدان اشىق تۋرنير وتەدى.
«قۇلاگەر» يپپودرومىندا دا قازاقتىڭ ۇلتتىق سپورت ويىندارىنان ءتۇرلى جارىس وتەدى.
21-ناۋرىز - «ىنتىماق» كۇنى پەتروپاۆلداعى باس الاڭدا-ناۋرىز مەيرامى تويلانادى.
22-ناۋرىز - «جىل باسى». بۇل كۇنى نەگىزگى مەرەكەلىك ءىس-شارالار باس الاڭدا ۇيىمداستىرىلماق. «باۋىرساق- Fest-2024» جوسپارلانعان. ال بۇل كۇنى ۇلتتىق كيىم كيگەندەر قوعامدىق كولىكتە تەگىن جۇرمەك.
23-ناۋرىز - «تازارۋ» كۇنى. بۇل كۇنى ءبىرقاتار ەكولوگيالىق ءىس-شارالار، سەنبىلىكتەر ۇيىمداستىرىلماق.
اۆتور
اقەركە داۋرەنبەك قىزى