استانا. قازاقپارات - 2024 -جىلعى 26 ماۋسىمدا تۇركىستان وبلىسىندا ۇلتتىق قاۋىپسىزدىك كوميتەتى پروكۋراتۋرا ورگاندارىنىڭ ۇيلەستىرۋىمەن جانە ءى ءى م- مەن ءوزارا ءىس- قيمىل جاساي وتىرىپ، تەرروريزمدى ناسيحاتتادى دەگەن كۇدىكپەن قازاقستاننىڭ 4 ازاماتىن ۇستادى. بۇل تۋرالى ۇ ق ك باسپا ءسوز قىزمەتى ءمالىم ەتتى.
«الدىن الا بەلگىلى بولعان دەرەكتەرگە سايكەس، فيگۋرانتتاردىڭ ءبىرى ۇزاق ۋاقىت بويى شەتەلدە تۇرعان، راديكالدى ءدىني يدەولوگياعا سول جەردە اۋەستەنگەن بولۋى ىقتيمال»، - دەلىنگەن حابارلامادا.
ءتىنتۋ بارىسىندا ءدىني ادەبيەتتەر مەن وزگە دە زاتتاي دالەلدەمەلەر الىندى.
قىلمىستىق كودەكستىڭ 256-بابىنىڭ 1 جانە 2-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.