تۇركيانىڭ 26 ۋنيۆەرسيتەتى الەمنىڭ ەڭ ۇزدىك ۋنيۆەرسيتەتى رەيتينگى تىزىمىنە ەندى

استانا. KAZINFORM - تۇركيا جوعارى ءبىلىم كەڭەسى (YÖK) الەمنىڭ 106 ەلىنەن 1500 ۋنيۆەرسيتەتتى قامتيتىن «QS 2026» الەم ۋنيۆەرسيتەتتەرى رەيتينگىنىڭ تىزىمىنە 26 تۇرىك ۋنيۆەرسيتەتىنىڭ كىرگەنىن جاريالادى، دەپ حابارلايدى TRT اقپاراتتىق اگەنتتىگى.

بۇل رەيتينگتە تۇركيا 20-دان استام ۋنيۆەرسيتەتى بار ەلدەر اراسىندا ءتورتىنشى ورىندا تۇر.

تۇركيانىڭ تاياۋ شىعىس تەحنيكالىق ۋنيۆەرسيتەتى 269-شى، ستامبۋل تەحنيكالىق ۋنيۆەرسيتەتى 298- ورىندا بولسا، الەمنىڭ ەڭ ۇزدىك 300 ۋنيۆەرسيتەتى اراسىندا كوچ ۋنيۆەرسيتەتى 323- ءشى جانە بوسفور ۋنيۆەرسيتەتى 371- ورىنعا يە بولىپ، العاشقى 400 ج و و تىزىمىنە كىردى. ساباندجى ۋنيۆەرسيتەتى 404- ءشى، بيلكەنت ۋنيۆەرسيتەتى 415- ءشى ورىندا. وسىلايشا 6 تۇرىك ۋنيۆەرسيتەتى الەمنىڭ ۇزدىك 500 ۋنيۆەرسيتەتىنىڭ قاتارىنا ەندى.

حادجەتتەپە ۋنيۆەرسيتەتى 571- ءشى، ستامبۋل ۋنيۆەرسيتەتى 628- ءشى، انكارا ۋنيۆەرسيتەتى 697- ءشى، يىلدىز تەحنيكالىق ۋنيۆەرسيتەتى 736-شى، گازي ۋنيۆەرسيتەتى 915- ءشى ورىنعا يە بولىپ، رەيتينگتەگى العاشقى 1000 ۋنيۆەرسيتەت تىزىمىنە ەندى.

«QS Türkiye ەسەبىنە سايكەس، تاياۋ شىعىس تەحنيكالىق ۋنيۆەرسيتەتى، بوسفور جانە ستامبۋل تەحنيكالىق ۋنيۆەرسيتەتى «جۇمىس بەرۋشى بەدەلى» كورسەتكىشى بويىنشا الەمنىڭ ەڭ ۇزدىك 100 ۋنيۆەرسيتەتىنىڭ قاتارىندا.

تۇركيا جوعارى ءبىلىم كەڭەسىنىڭ ءتوراعاسى پروفەسسور ەرول ءوزۆار «بۇل جەتىستىك كەزدەيسوق ەمەس. بارلىعىمىز بىرگە ەڭبەك ەتتىك. بۇدان دا جوعارى جەتىستىكتەرگە جەتەمىز. رەيتينگكە ەنگەن جانە ايانباي ەڭبەك ەتكەن ۋنيۆەرسيتەتتەرىمىزدى قۇتتىقتايمىن»، - دەدى.

ەسكە سالا كەتەيىك، بۇعان دەيىن قازاقستاننىڭ ءۇش ۋنيۆەرسيتەتى العاش رەت QS 2026 رەيتينگى تىزىمىنە ەنگەنى تۋرالى جازعانبىز.

اۆتور

باقىتجول كاكەش