ديزەل وتىنىنىڭ باعاسى شامامەن 6,5 ليراعا وسكەننەن كەيىن ونىڭ ءبىر ليترى ىستانبۇلدىڭ ەۋروپالىق بولىگىندە 95,60 ليراعا، انكارادا 96,75 ليراعا، يزميردە 97,02 ليراعا جەتتى. ال بەنزيننىڭ ءبىر ليترى تيىسىنشە 80,26، 81,25 جانە 81,52 ليرادان ساتىلدى.
سوڭعى ءبىر ايدا جانار-جاعارماي باعاسى ايتارلىقتاي كوتەرىلدى. ىستانبۇلدا بەنزين باعاسى 8,87 ليراعا ءوسىپ، ءوسىم شامامەن 12,4 پايىز بولدى. ال ديزەل وتىنىنىڭ باعاسى 15,99 ليراعا كوتەرىلىپ، شامامەن 20,1 پايىز ارتتى.
تامىز ايىندا ديزەل وتىنىنىڭ باعاسى 2,92 ليراعا ءوستى. ال 1-قىركۇيەكتە ارنايى تۇتىنۋ سالىعى وسكەننەن كەيىن ق ق س- تى ەسەپتەگەندەگى باعا تاعى 3,60 ليراعا كوتەرىلدى. بۇدان كەيىن ديزەل وتىنى 15 قىركۇيەكتە قايتا قىمباتتادى. بەنزين باعاسى دا بىرتىندەپ ءوستى. سوڭعى رەت 12-قىركۇيەكتە ونىڭ ليترى شامامەن 3,20 ليراعا كوتەرىلگەن.
سالا وكىلدەرىنىڭ ايتۋىنشا، جانار-جاعارماي باعاسىنىڭ وسۋىنە قالالار مەن مۇناي وڭدەۋ كاسىپورىندارىنىڭ اراسىنداعى قاشىقتىق، سونداي-اق تاسىمالداۋ شىعىندارى اسەر ەتەدى. الەمدىك نارىقتا بەنزين مەن ديزەل وتىنى قىمباتتاي بەرسە، بۇل تۇركياداعى باعانىڭ وسۋىنە، سونىڭ سالدارىنان حالىقتىڭ كۇندەلىكتى شىعىنىنىڭ ارتۋىنا اكەلۋى مۇمكىن.
بۇعان دەيىن 2025-جىلى تۇركيا حالقىنىڭ قارىزى 4,4 تريلليون ليراعا جەتىپ، تاريحي شەككە شىققانى حابارلانعان بولاتىن.