ترامپپەن تەلەفون ارقىلى سويلەسكەن زەلەنسكي ا ق ش پرەزيدەنتىنە العىسىن ءبىلدىردى

استانا. KAZINFORM - ۆلاديمير زەلەنسكي مەن دونالد ترامپ تەلەفون ارقىلى سويلەستى، دەپ حابارلايدى Kazinform ۋكراينا پرەزيدەنتىنىڭ Telegram ارناسىنا سىلتەمە جاساپ.

زەلەنسكي ترامپپەن اڭگىمەنىڭ ناتيجەلى بولعانىن اتاپ ءوتتى. تاراپتار ۋكراينا مەن ا ق ش-تىڭ ۇستانىمدارىن تالقىلادى.

- ءبىز امەريكا قۇراما شتاتتارىنىڭ پرەزيدەنتىنە ادال جانە تۇراقتى بەيبىتشىلىك پەن بارلىق كۇش-جىگەرى ءۇشىن العىس ايتامىز، - دەپ جازدى ول.

سونىمەن قاتار زەلەنسكي مەن ترامپ ناتو-مەن ءوزارا ءىس-قيمىل، سونداي-اق قورعانىس سالاسىنداعى ىنتىماقتاستىق ماسەلەلەرىن تالقىلادى.

ەسكە سالا كەتەيىك، بۇعان دەيىن ا ق ش پرەزيدەنتى دونالد ترامپ رەسەي پرەزيدەنتى ۆلاديمير پۋتين مەن ۋكراينا باسشىسى ۆلاديمير زەلەنسكيدىڭ كەزدەسۋى ءوتۋى ءتيىس ەكەنىن مالىمدەگەن بولاتىن.