ترامپ يراننىڭ يادرولىق نىساندارىنىڭ تولىق جويىلاتىنىن مالىمدەدى

استانا. KAZINFORM – ا ق ش- تىڭ سوققىسىنان يراننىڭ يادرولىق نىساندارى تولىعىمەن جويىلدى. بۇل مالىمدەمەنى امەريكا پرەزيدەنتى دونالد ترامپ جاسادى، دەپ حابارلايدى ت ا س س اقپارات اگەنتتىگى.

- جوعارىدان قاراعان كەزدە يادرولىق نىسانداردىڭ جەردەگىنىڭ بارلىعىن شارپىعانىن ۇمىتپاڭىز. ءبارى تۇگەل ورتەنىپ كەتكەن. مەنىڭ ويىمشا، بۇل تولىق قيراۋ بولدى، - دەدى امەريكا باسشىسى ناتو باس حاتشىسى مارك رۋتپەن كەزدەسۋىندە.

ترامپ امەريكالىق ب ا ق- تاعى، نەگىزىنەن وزىنە دۇشپاندىق كوزقاراستاعى اقپاراتتاردى سىنادى. ولار بارلاۋ دەرەكتەرىنە سىلتەمە جاساي وتىرىپ، امەريكا قۇراما شتاتتارى يراننىڭ يادرولىق نىساندارىن تولىعىمەن جويا المادى دەپ مالىمدەگەن بولاتىن.

ەسكە سالا كەتەيىك، بۇعان دەيىن ترامپتىڭ ناتو سامميتىنە قاتىسۋ ءۇشىن گااگاعا كەلگەنىن حابارلاعان ەدىك.

سونداي-اق كونگرەسس ترامپتىڭ اسكەري وكىلەتتىكتەرى تۋرالى قاراردى بۇعاتتاعانىن جازعان بولاتىنبىز.