ۆەتنام، ماروككو: قازاقستان استىق نارىعىن كەڭەيتىپ جاتىر
استانا. KAZINFORM - پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين سەناتتىڭ جالپى وتىرىسىندا استىق ەكسپورتىنىڭ جاڭا نارىقتارى تۋرالى مالىمەت بەردى.
- ەكسپورتتى قولداۋ - ماڭىزدى باعىت. مىسالى، بيداي ەكسپورتىنا مەملەكەتتەن قولداۋ كورسەتىپ وتىرمىز. ارينە، بۇل جايىندا ەش جەردە جاريا تۇردە ايتپايمىز. ءبىراق سىزدەردىڭ الدارىڭىزدا ايتۋعا بولادى دەپ ويلايمىن. ءبىز ۆەتنامعا دا جەتكىزە باستادىق كەشە ماروككوعا العاشقى پارتياسى كەتتى. قازىر ازەربايجاندا ءبىرىنشى ورىندا تۇرمىز. ارپا ەكسپورتى بويىنشا يراندا كوشباسشىمىز. بۇرىن بولماعان نارىقتارعا قايتىپ ورالدىق، - دەدى ول.
ايتۋىنشا، قازاقستان 11 ايعا جەتپەيتىن ۋاقىتتىڭ ىشىندە شاشامەن 11 ميلليون توننا اۋىلشارۋاشىلىق ءونىمىن ەكسپورتقا شىعارعان.
ايتا كەتۋ كەرەك، ۆەتنامعا ەكسپورتتالاتىن جوعارى ساپالى بيداي قىتايدىڭ ليانيۋنگان پورتى ارقىلى ءوتىپ جاتىر.