تيكتوك جەلىسىنىڭ نەگىزىن قالاۋشى تاعى دا قىتايدىڭ ەڭ باي ادامى بولدى

CNN مالىمەتىنشە، كاسىپكەردىڭ بايلىعى 2024 -جىلى 13,6 ميلليارد دوللارعا ارتىپ، 2025 -جىلدىڭ ناۋرىز ايىنىڭ سوڭىندا 57,5 ميلليارد دوللاردى قۇراعان.

2024 -جىلدىڭ قازان ايىندا جاڭ يمين العاش رەت قىتايداعى ەڭ باي ادام اتانعان بولاتىن.

2017 -جىلدىڭ مامىر ايىندا رەسمي ىسكە قوسىلعاننان بەرى TikTok بۇكىل الەمدە تەز تانىمالدىلىققا يە بولىپ، دۇنيە جۇزىندەگى كوپتەگەن جاستاردىڭ سۇيىكتى الەۋمەتتىك مەديا پلاتفورماسىنا اينالدى.

ەكىنشى ورىندا 56,6 ميلليارد دوللار كاپيتالىمەن Tencent Holdings تەحنولوگيالىق كومپانياسىنىڭ تەڭ قۇرىلتايشىسى پوني ما (ما حۋاتەن دەگەن اتپەن تانىمال) تۇر.

ءۇشىنشى ورىنعا بوتەلكەدەگى سۋ مەن الكوگولسىز سۋسىندار وندىرەتىن Nongfu Spring كومپانياسىنىڭ باسشىسى جۋن شانشان جايعاستى، ونىڭ بايلىعى 54,1 ميلليارد دوللارعا باعالانعان.

ايتا كەتەيىك، ءۇندىستاندىق ميللياردەر مۋكەش ءامبانيدىڭ وتباسىلىق كلانى Bloomberg ۇسىنعان ازياداعى ەڭ باي 20 وتباسى تىزىمىندە كوش باستاعان ەدى.