تارازدا جۇرگىزۋشى كۋالىگى جوق ەر ادام پوليتسيادان قاشپاق بولدى. پاترۋلدىك پوليتسيا قىزمەتكەرلەرى LED شامدارىن زاڭسىز ورناتقان Volkswagen Passat كولىگىن توقتاتقان. الايدا جۇرگىزۋشى زاڭدى تالاپقا باعىنباي، قاشىپ كەتۋگە تىرىسقان.
«ول قاۋىپتى مانەۆرلەر جاساپ، جول اپاتىنا سەبەپشى بولا جازدادى. بىرنەشە پاترۋلدىك ەكيپاج كومەگىمەن كولىك توقتاتىلعاننان كەيىن جۇرگىزۋشى جاياۋ قاشىپ، اۋلالارعا جاسىرىنۋعا تىرىستى، الايدا ءتارتىپ ساقشىلارى ونى جىلدام قولعا ءتۇسىردى»، - دەپ جازىلعان حابارلامادا.
21 جاستاعى ەر ادام اعاسىنا تيەسىلى كولىكتى جۇرگىزۋشى كۋالىگىنسىز تىزگىندەگەنى انىقتالدى. كولىك ايىپ تۇراعىنا قويىلدى.
جۇرگىزۋشىگە 9 اكىمشىلىك حاتتاما تولتىرىلىپ، 216 مىڭ تەڭگە كولەمىندە ايىپپۇل سالىندى.
پوليتسەيلەرگە باعىنباۋ دەرەگى بويىنشا ءىس سوتقا جىبەرىلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан