تاراز. KAZINFORM - جول قوزعالىسىنا قاۋىپ توندىرەتىن BMW كولىگى پاترۋلدىك پوليتسيا ەكيپاجىنىڭ نازارىنا ىلىككەن. زاڭ تالابىنا ساي جول ساقشىلارى كولىكتى توقتاتۋعا ارەكەتتەنگەن، الايدا تارتىپكە باعىنباعان جۇرگىزۋشى بوي تاسالاپ، قاشىپ كەتۋگە تىرىسقان. بۇل تۋرالى Polisia.kz جازدى.
- قۇقىق قورعاۋ قىزمەتكەرلەرى كولىكتى توقتاتىپ، جۇرگىزۋشىنى ۇستادى. تەكسەرۋ بارىسىندا ەر ادامنىڭ الكوگولدىك ماساڭ كۇيدە بولعانى انىقتالدى. ونىڭ ارەكەتى اۋىر زارداپتارعا اكەلۋى مۇمكىن ەدى، الايدا پوليتسەيلەردىڭ قىراعىلىعى مەن كاسىبيلىگىنىڭ ارقاسىندا توقتاۋ بولدى. جۇرگىزۋشىگە كولىكتى ماس كۇيدە باسقارعانى، پوليتسيا قىزمەتكەرىنىڭ زاڭدى تالابىنا باعىنباعانى جانە قارسى باعىتقا شىققانى ءۇشىن اكىمشىلىك جاۋاپكەرشىلىك جۇكتەلدى، - دەلىنگەن حابارلامادا.
اۆتوكولىك ارنايى ايىپ تۇراعىنا قويىلدى.
ەسكە سالا كەتەيىك، بۇگىن اقتوبەدە جولدى كەسىپ وتپەك بولعان ستۋدەنتتى كولىك قاعىپ، كوز جۇمدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан