تالدىقورعان پوليتسياسىنىڭ بۇرىنعى باستىعىن سوت زالىنان جەدەل جاردەم الىپ كەتتى

تالدىقورعان. KAZINFORM - تالدىقورعاندا قىز زورلادى دەگەن كۇدىككە ىلىنگەن پوليتسيا باسقارماسىنىڭ بۇرىنعى باستىعى مارات كۇشتىبايەۆقا قاتىستى سوت وتىرىسى بارىسىندا ونىڭ دەنساۋلىعى سىر بەرىپ، اۋرۋحاناعا الىپ كەتتى.

بۇل وقيعانىڭ ۆيدەوسى الەۋمەتتىك جەلىدە تارادى. كادردان دارىگەرلەردىڭ ەر ادامدى زەمبىلمەن الىپ شىققانىن كورۋگە بولادى.

جەتىسۋ وبلىستىق سوتىنىڭ باسپا ءسوز قىزمەتى بۇل اقپاراتتى راستادى.

«سوتتالۋشى ك. -نى سوت وتىرىسى كەزىندە جەدەل جاردەممەن الىپ كەتتى. قازىرگى ۋاقىتتا سوتتالۋشى كارديولوگيالىق ورتالىقتا دارىگەرلەردىڭ باقىلاۋىندا. وسىعان بايلانىستى، سوت وتىرىسى كەيىنگە قالدىرىلدى»، - دەپ مالىمدەدى وبلاستىق سوتتىڭ باسپا ءسوز قىزمەتى.

اقپان ايىنىڭ سوڭىندا مارات كۇشتىبايەۆقا قاتىستى سوت وتىرىسى باستالعان ەدى. پروتسەسس جابىق رەجيمدە ءوتتى.

ەسكە سالايىق، بىلتىر قاراشادا تالدىقورعان پوليتسياسىنىڭ باسشىسى مارات كۇشتىبايەۆ قىز زورلادى دەگەن كۇدىكپەن ۇستالعان بولاتىن. مالىمەتكە سەنسەك، قىلمىس ونىڭ كابينەتىندە بولعان.

اۆتور

الما مۇقانوۆا