تاڭعالارلىق گول! قازاقستان ايەلدەر قۇراماسىنىڭ كاپيتانى 40 مەتر قاشىقتىقتان گول سوقتى

فۋتبولدان قازاقستان ايەلدەر قۇراماسى ۇلتتار ليگاسىندا ارمەنيامەن ويىن وتكىزدى. «استانا ارەنادا» وتكەن كەزدەسۋدە وتانداستارىمىز 4:1 ەسەبىمەن جەڭىسكە جەتتى.

40-مينۋتتا ۇلتتىق قۇراما كاپيتانى يۋليا مياسنيكوۆا 40 مەترگە جۋىق قاشىقتىقتان ايىپ دوبىن ءساتتى ورىندادى. ونىڭ شيىرە تەپكەن دوبىن قارسىلاس كوماندا قاقپاشىسى قايتارا العان جوق. بۇل ىرىكتەۋدەگى قازاقستان قۇراماسىنىڭ ۇزدىك گولدارىنىڭ ءبىرى.

ەكىنشى تايمدا يۋليا ەكىنشى گولىن سوعىپ، دۋبل اۆتورى اتاندى. سونداي-اق قۇراما ساپىندا ايدا گايستەنوۆا مەن كاميلا قۇلماعامبەتوۆا ءبىر-ءبىر گولدان سوقتى.

قازاقستان قۇراماسى «س» ليگاسىنىڭ 4-توبىندا 8 ۇپايمەن 3-ورىن الدى.

ايتا كەتەيىك، بۇعان دەيىن قازاقستان ەرلەر قۇراماسىنىڭ كاپيتانى اسحات تاعىبەرگەننىڭ دانيا قاقپاسىنا سوققان گولى ەۋروپا چەمپيوناتى ىرىكتەۋ كەزەڭىندەگى ۇزدىك گول اتانعان بولاتىن.