سولتۇستىك قازاقستاندا جىرتقىش اڭ 50 شاقتى قويدى قىرىپ كەتتى

سولتۇستىك قازاقستان وبلىسى ايىرتاۋ اۋدانىنداعى شارۋاشىلىقتاردىڭ بىرىندە قىرىلعان 11 قويدىڭ ولىگى تابىلدى، دەپ حابارلايدى Kazinform.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 16-جەلتوقسان كۇنى ساعات 05:00-دە ايىرتاۋ اۋداندىق پوليتسيا بولىمىنە ۋچاسكەلىك پوليتسيا ينسپەكتورى حابارلاسىپ، مال شارۋاشىلىعى كەشەنىندە 44 قويدىڭ بەلگىسىز سەبەپپەن قىرىلعاندىعىن ايتقان.

وقيعا ورنىنا بىردەن جەدەل تەرگەۋ توبى جەتتى. تەكسەرىس بارىسىندا ولگەن قويلاردى بەلگىسىز جىرتقىش اڭ تالاعاندىعى انىقتالعان. ولەكسەلەر تىرنالىپ، تىستەلگەن، تاماعى ورىلعان. ال بىرەۋى جارتىلاي جەلىنگەن.

پوليتسەيلەر قويعا ءيتتىڭ تيگەنىن بىردەن جوققا شىعاردى، ويتكەنى قوراعا جابايى اڭنىڭ كەلگەنى ىزىنەن بەلگىلى بولدى.

اۋداندىق پوليتسيا ءبولىمىنىڭ باسشىسى مارات سەركەشيەۆتىڭ ايتۋىنشا، قورانىڭ اينالاسىن 500-600 مەتر قاشىقتىقتا قاراۋ كەزىندە سىلەۋسىن ىزدەرىنە ۇقساس ىزدەر تابىلدى. جالپى ماتەريالدىق شىعىن شامامەن 1 ميلليون تەڭگە شاماسىندا.

تەرگەۋ ءجۇرىپ جاتىر.

اۆتور

اقەركە داۋرەنبەك قىزى