سەرگەي دۆورسەۆوي تۇركىستاندا تايقازان تۋرالى فيلم ءتۇسىرىپ جاتىر
09:25, 25 - مامىر 2025
تۇركىستان. KAZINFORM - بۇگىن تانىمال رەجيسسەردى تۇركىستان وبلىسىنىڭ اكىمى قابىلدادى.
ءوڭىر باسشىسى نۇرالحان كوشەروۆ رەجيسسەردى مادەنيەت جانە ونەر قىزمەتكەرلەرى كۇنىمەن قۇتتىقتاپ، ۇسىنىستارى مەن پىكىرلەرىن تىڭدادى.
كينورەجيسسەر اتقارىپ جاتقان جۇمىستارى مەن جوسپارلارىمەن تانىستىردى. قازاقستاننىڭ كينەماتوگرافيا سالاسىنىڭ دامۋى جولىندا ەڭبەك ەتەتىنىن باياندادى. سونىمەن بىرگە كەيىنگى جىلدارى جۇزەگە اسىرىپ جاتقان ءىرى جوباسى - تايقازان تۋرالى فيلمنىڭ جاي-كۇيى تۋرالى باياندادى. وسى تۋىندىنى تۇسىرۋگە قولداۋ كورسەتكەن وبلىس باسشىلىعىنا العىسىن ءبىلدىردى.
اتالعان فيلمدى ءتۇسىرۋ بارىسىندا تاريحشىلار مەن زەرتتەۋشىلەردىڭ، مادەنيەتتانۋشىلاردىڭ پىكىرلەرى نازارعا الىنعان. ءتۇسىرىلىم جۇمىستارىنىڭ باسىم بولىگى تۇركىستان مەن قارناقتا جۇزەگە اسىرىلادى.