سەناتور ينتەرنەت-الاياقتىق ءۇشىن جازانى قاتاڭداتۋدى ۇسىندى

استانا. KAZINFORM - ينتەرنەت-الاياقتىق ماسەلەلەرى قارقىن الىپ كەلەدى. 2024 -جىلدىڭ 8 ايىندا ەلىمىزدە وسىنداي 11765 قىلمىس تىركەلگەن. سەناتور اسەم راحمەتوۆا ءوزىنىڭ دەپۋتاتتىق ساۋالىندا وسى پروبلەمامەن كۇرەسۋ شارالارىن ۇسىندى.

قىلمىسكەرلەر كۇن ساناپ جاڭا ايلاعا ۇيرەنىپ جاتىر. بۇل تۇرعىدا سەناتور ءى ءى م جانە باسقا دا مەملەكەتتىك ورگاندار قابىلداعان كەشەندى شارالارعا قاراماستان، قارقىندى پروفيلاكتيكالىق جۇمىستى جالعاستىرۋ كەرەك ەكەنىن ايتتى جانە قازاقستاندىقتاردى قورعاۋدى كۇشەيتۋ قاجەت دەپ سانايدى.

«ىشكى ىستەر مينيسترلىگى مەن «قازاقتەلەكوم» ا ق- مەن ءوزارا ءىس- قيمىل ناتيجەسىندە انتيفرود جۇيەسىمەن 1,9 ميلليون استام شەتەلدەن باعىتتالعان الاياقتىق تەلەفون قوڭىراۋلارى بۇعاتتالعان. سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ۇيالى بايلانىس وپەراتورلارىمەن بىرلەسىپ، «اۋىستىرىلاتىن نومىرلەردەن» 58 ميلليون شەتەلدىك تەلەفون قوڭىراۋىن توقتاتقان. ۇلتتىق بانكپەن بىرلەسىپ انتيفرود ورتالىقتى قۇرۋ ارقىلى شەتەلگە كەتىپ قالا جازداعان 395 ميلليون تەڭگە بۇعاتتالعان»، - دەدى ءا. راحمەتوۆا.

دەپۋتات وسىعان بايلانىستى تانىمال الەۋمەتتىك جەلىلەردە تۇراقتى اقپاراتتىق ءىس- شارالار جۇرگىزۋدى ۇسىندى.

«ازاماتتار كۇدىكتى ارەكەتتەر تۋرالى حابارلاي الاتىن جانە كەڭەس الا الاتىن ارنايى سەنىم تەلەفوندارى مەن ونلاين-پلاتفورمالاردى ازىرلەۋ كەرەك. بۇل ءىس-شارالار ازاماتتاردىڭ الاياقتىقپەن بايلانىستى تاۋەكەلدەر تۋرالى حاباردارلىعىن ارتتىرىپ قانا قويماي، قىلمىس جاساۋ مۇمكىندىگىن ازايتادى جانە قاۋىپسىز ءارى قورعالعان تسيفرلىق ورتانى قۇرۋعا مۇمكىندىك بەرەدى»، - دەدى سەناتور.