استانا. KAZINFORM - قازاقستاندىق بىلعارى قولعاپ شەبەرى سانجار تاشكەنباي ليۆەرپۋلدەگى ( ۇلى بريتانيا) الەم بىرىنشىلىگىندە جەڭىس تۇعىرىنان كورىندى.
جەرلەسىمىز 50 كەلىگە دەيىنگى سالماقتىڭ فينالىندا الدارقحيشيگ باتتۋلگامەن (موڭعوليا) ءوزارا مىقتىنى انىقتادى.
سانجار تاشكەنباي جەكپە-جەكتىڭ ءبىرىنشى كەزەڭىنەن باستاپ تىزگىندى قولىنا الدى. تولىق ءۇش راۋند بويى باسىمدىعىن ساقتاپ قالعان جەرلەسىمىز تورەشىلەردىڭ شەشىمىمەن جەڭىسكە جەتتى.
وسىلايشا، سانجار تاشكەنباي (50 كەلىگە دەيىن) الەم چەمپيوناتىندا قازاقستان قۇراماسىنىڭ قورجىنىنا العاشقى التىن مەدالدى سالدى.
بۇعان دەيىن نازىم قىزايباي ليۆەرپۋلدەگى الەم چەمپيوناتىنىڭ كۇمىس جۇلدەسىن يەلەنگەن بولاتىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан