ۇلى بريتانيالىق Bo كومپانياسى الەمدەگى ەڭ جىلدام ەلەكتروساموكات - Bo The Turbo مودەلىن تانىستىردى. بۇل ساموكات ساعاتىنا 160 شاقىرىم جىلدامدىققا دەيىن جەتىپ، 100 ك م/ساع-قا نەبارى 2,2 سەكۋندتا ۇدەي الادى، دەپ حابارلايدى wired.com.
Bo كومپانياسى ميكروموبيل نارىعىنا جاڭادان قوسىلعانىمەن، ونىڭ قۇرامىندا بۇرىن Formula 1-دەگى Williams Advanced Engineering ماماندارى جۇمىس ىستەيدى. ءبىر جارىم جىل بۇرىن Bo كومپانياسى ەۋروپا نارىعىنا Bo M اتتى العاشقى ساموكاتىن شىعارعان ەدى. ەندى ولار ا ق ش نارىعىنا شىعۋعا دايىندالىپ جاتىر.
كومپانيا تامىز ايىندا Bonneville Speed Week شاراسىندا گيننەستىڭ رەكوردىن ورناتۋدى جوسپارلاپ وتىر.
Bo باس ديرەكتورى وسكار مورگاننىڭ ايتۋىنشا، ادامداردىڭ ميكروموبيلگە قىزىعۋشىلىعىن ارتتىرۋ ءۇشىن «اسەرلى ءارى ءماندى دۇنيەلەر جاساۋ كەرەك».
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан