مەملەكەت باسشىسى يسپانيا حالقىنىڭ بىرلىگىن، باي مۇراسى مەن ۇلتتىق رۋحىن ايشىقتايتىن مەيرامنىڭ تاريحي ماڭىزىنا توقتالدى.
- يسپانيا ساياسي جانە الەۋمەتتىك-ەكونوميكالىق دامۋدا زور جەتىستىككە قول جەتكىزگەن ەل رەتىندە حالىقارالىق قوعامداستىقتا لايىقتى ورىنعا يە. ەلىڭىز وركەندەۋ جولىندا العا قاراي نىق قادام باسا بەرەتىنىنە سەنىمىم كامىل، - دەپ جازىلعان جەدەلحاتتا.
پرەزيدەنت بەرىك دوستىق پەن ءوزارا سەنىمگە نەگىزدەلگەن قازاق-يسپان قارىم-قاتىناسىنىڭ قارقىندى دامىپ كەلە جاتقانىن اتاپ ءوتىپ، سان قىرلى ىنتىماقتاستىقتىڭ ودان ءارى نىعايا تۇسەتىنىنە سەنىم ءبىلدىردى.
قاسىم-جومارت توقايەۆ كورولدىڭ مەملەكەتتىك قىزمەتىنە تابىس، ال يسپان حالقىنا باق-بەرەكە تىلەدى.
بۇعان دەيىن توقايەۆ كورەيا رەسپۋبليكاسىنىڭ ۇلتتىق كۇنىنە وراي پرەزيدەنت لي چجە مەڭگە قۇتتىقتاۋ جەدەلحاتىن جولداعانىن جازعان ەدىك.