- ءبىز حالىقارالىق ماڭىزى زور بىرەگەي جوبانى ىسكە قوستىق. ەڭ باستىسى، بۇل - جاڭا زاماننىڭ ءدالىزى. ياعني كولىك ءدالىزى عانا ەمەس، مۇلدەم جاڭا داۋىرگە، سيفرلاندىرۋ كەزەڭىنە تيەسىلى جاڭالىق. بۇل ىنتىماقتاستىقتىڭ تۇبەگەيلى سونى فورماتى، ورتا ءدالىزدىڭ سيفرلىق ءتۇرىنىڭ جۇزەگە اسىرىلۋى دەسەك بولادى، - دەدى قازاقستان پرەزيدەنتى.
يلحام اليەۆ ت و ب ج- نى ىسكە قوسۋ ارقىلى ورتالىق ازيا مەن ازەربايجان اراسىنداعى ىقپالداستىقتى نىعايتۋعا تاعى ءبىر قادام جاسالعانىن اتاپ ءوتتى.
- بىلتىر ازەربايجان ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋىنە تولىق مۇشە رەتىندە قابىلداندى، بيىل مەن وسى ۇيىمعا تولىق مۇشە رەتىندە قاتىستىم. اتالعان جوبا ىنتىماقتاستىقتى تەرەڭدەتۋگە قوسىلعان كەزەكتى ۇلەس بولدى. ياعني بۇل جەلىنى ورتالىق ازيا ەلدەرى دە، وڭتۇستىك كاۆكاز جۇرتى دا، ودان تىسقارى ەلدەر دە پايدالانادى. وسىلايشا، بۇگىن جاھاندىق جوبانى ىسكە قوستىق، - دەدى ازەربايجان پرەزيدەنتى.
اشىلۋ سالتاناتىندا پرەمەر-ءمينيستردىڭ ورىنباسارى - جاساندى ينتەللەكت جانە سيفرلىق دامۋ ءمينيسترى جاسلان ماديەۆ، ازەربايجاننىڭ سيفرلىق دامۋ جانە كولىك ءمينيسترى راشاد نابيەۆ جانە «قازاق تەلەكوم» ا ق باسقارما ءتوراعاسى باعدات مۋسين ءسوز سويلەدى.
بۇدان بۇرىن توقايەۆ پەن اليەۆ ترانسكاسپي تالشىقتى-وپتيكالىق بايلانىس جەلىسىن ىسكە قوسۋ راسىمىنە قاتىسقانىن جازعانبىز.