- وزىق شەشىمدەر كاسىپورىننىڭ ونىمدىلىگىن ارتتىرىپ، ەڭبەك قاۋىپسىزدىگىن كۇشەيتۋگە، اپاتتاردىڭ الدىن الۋعا مۇمكىندىك بەرەدى. جاقىندا وتكەن AI جانە Digital Bridge فورۋمىندا مەن ۇكىمەتتىڭ الدىنا ناقتى مىندەت قويدىم. زاۋىت سالۋ بارىسىندا وسى ماسەلەنى ەسكەرگەن ءجون. ەڭ الدىمەن قۇرىلىس جۇمىسىن ساپالى جۇرگىزىپ، ۋاقىتىلى اياقتاۋ قاجەت. وسى بىرەگەي جوبانى جۇزەگە اسىرۋعا بەلسەنە اتسالىسىپ جاتقان بارشا ازاماتقا، قىتايلىق سەرىكتەستەرىمىزگە شىنايى ريزاشىلىعىمدى بىلدىرەمىن. اقتوعاي مىس وڭدەۋ كەشەنى قازاقستاننىڭ ونەركاسىپتەگى الەۋەتىن ارتتىرا تۇسۋگە زور ۇلەس قوسادى دەپ سەنەمىن، - دەپ تۇيىندەدى ءسوزىن پرەزيدەنت.
كاسىپورىندا كەن بايىتۋدان باستاپ ودان دايىن مەتالل شىعارۋعا دەيىنگى تولىق وندىرىستىك تسيكل قاراستىرىلعان. كەشەن ءوزىنىڭ كەن ورنىنان العان مىس كونتسەنتراتىن وڭدەيدى. بۇل شيكىزات كوزىن عانا قامتاماسىز ەتىپ قويماي، قازاقستاندا شىعارىلاتىن ءونىمنىڭ قوسىلعان قۇنىن ارتتىرۋعا مۇمكىندىك بەرەدى.
جوبانى KAZ Minerals توبى جۇزەگە اسىرادى، ال قىتايلىق NFC كومپانياسى - ينجەنەرلىك سەرىكتەس. باستاماعا شامامەن 1,8 ميلليارد دوللار ينۆەستيتسيا سالىنادى، سونداي-اق ونىڭ اياسىندا 1 مىڭنان استام جاڭا جۇمىس ورنى اشىلادى.
2030 -جىلى العاشقى مىس كاتودىن الۋ جوسپارلانىپ وتىر. زاۋىتتا مىستان بولەك، التىن، كۇمىس جانە باسقا دا ىلەسپە ونىمدەر شىعارىلادى.
فوتو: اقوردا
تەلەكوپىر بارىسىندا اباي وبلىسىنىڭ اكىمى بەرىك ءۋالي، KAZ Minerals توبى ديرەكتورلار كەڭەسىنىڭ ءتوراعاسى ولەگ نوۆاچۋك، China Nonferrous Metal Mining Group ديرەكتورلار كەڭەسىنىڭ ءتوراعاسى ۆەن گان ءسوز سويلەدى.
مەملەكەت باسشىسى تەلەكوپىر رەجيمىندە اقتوعاي مىس بالقىتۋ زاۋىتىنىڭ قۇرىلىسىن باستاۋ راسىمىنە قاتىسقانىن جازعان ەدىك.