استانا. KAZINFORM - قاسىم-جومارت توقايەۆ حايسام بەن تاريق ءال سايدتى سۇلتاندىقتىڭ ۇلتتىق كۇنىمەن قۇتتىقتادى. بۇل تۋرالى اقوردا ءمالىم ەتتى.
قازاقستان پرەزيدەنتى ومان سۇلتانىنىڭ جۋىردا ەلىمىزگە جاساعان تاريحي ساپارىن ىقىلاسپەن ەسكە الىپ، ونىڭ ناتيجەلەرى ەكىجاقتى ستراتەگيالىق سەرىكتەستىكتى ودان ءارى نىعايتۋعا سەپتىگىن تيگىزەتىنىن اتاپ ءوتتى.
- مەملەكەت باسشىسى قاسىم-جومارت توقايەۆ حايسام بەن تاريق ءال سايدتىڭ جاۋاپتى ساياسي قىزمەتىنە تابىس، ال باۋىرلاس ومان حالقىنا قۇت-بەرەكە تىلەدى، - دەلىنگەن اقوردانىڭ حابارلاماسىندا.
ەسكە سالا كەتەيىك، 6-قازاندا ومان سۇلتانى حايسام بەن تاريق ءال سايد قازاقستانعا مەملەكەتتىك ساپارمەن كەلگەن بولاتىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан